Qırım Cumhuriyeti ve Sevastopol şeeri Müftisiniñ avalesinen, Halq birligi künü arfesinde, Müfti muavini Muhammed İslamov Keriçteki №1 apishaneni ziyaret etti.
Apishaneniñ memuriyeti ve cezalarını çekken dindaşlarımıznen körüşüv olıp keçti. Körüşüv esnasında Halq birligi kününe bağışlanğan tematik lektsiyalar keçirildi. Muhammed İslamov Qırım Müftiliginiñ gürdeli faaliyeti aqqında tarif etti ve qayd etti ki, Müftiligimizniñ işi bir-birimizge destek, yardımlaşuv ve qarşılıqlı musamaha munasebetleriniñ qurulmasına yöneliktir.
Apishaneniñ kitaphane fonduna diniy kitaplar taqdim etildi.
Qırım MDİ matbuat hızmeti