Qırım musulmanları Müftisiniñ muavini Muhammed İslamov Cezalarnı icra etüv federal hızmetiniñ idaresi (ÜFSİN), mezkür idare başlığınıñ diniy meseleler boyunca yardımcısı, protoiyerey Roman Tsurkannen birlikte Qurman rayonındaki Tüzetüv merkezini ziyaret etti.
Körüşüv esnasında dinlerara iş taqımı çalıştı. İnsan ayatında dinniñ yeri, diniy ve maneviy terbiye, em de terrorizm ve ekstremizmniñ profilaktikası aqqında tarif etildi.
“İslâm – merhametlilik ve dostluq dinidir. İslâm bizge eyi işlerni yapmaqnı, bir-birimizge güzel davranmaqnı ögrete. Cemiyetimizniñ dinlerara muabbetligini bozmaq maqsadınen künümizde tıştan kele bilgen farqlı provokatsiyalarğa inanmamaq, olarğa yol bermemek kerek”, – dep, kayd etti Muhammed İslamov.
Qırım MDİ matbuat hızmeti