Qırım ve Sevastopol Müftisiniñ muavini Raim Ğafarov Canköy camisinde qırımtatar siyasetçisi ve cemaat erbabı, Qırım Halq Cumhuriyetiniñ birinci reisi, Qırımtatar halqınıñ birinci Qurultayınıñ teşkilâtçısı, Qırım, Litvaniya, Lehistan ve Aqrusiyeniñ birinci Müftisi Noman Çelebicihannıñ hatırasına dua merasimini keçirdi.
Hatırlatamız, bundan evel Qırım Cumhuriyeti ve Sevastopol şeeri musulmanları diniy idaresi Qırımnıñ birinci Müftisi Noman Çelebicihannıñ hatırasına Qırımtatar akademik muzıkalı drama teatrinde merasim keçirdi. Tedbirde umumtahsil mekteplerniñ talebeleri arasında Noman Çelebicihannıñ hatırasına “Ebediy yüreklerimizde” inşalar yarışınıñ taqdirlenüvi olıp keçti.
Qırım MDİ matbuat hızmeti