“Noman Çelebicihannıñ ulu adını aqaretlemege ruhset bermemiz!” – Qırım Müftisi | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

“Noman Çelebicihannıñ ulu adını aqaretlemege ruhset bermemiz!” – Qırım Müftisi

Опубликовано:

Qırım Cumhuriyeti ve Sevastopol şeeri musulmanlarınıñ Müftisi bazı insanlarnıñ Qırım, Lehistan, Litvaniya ve Aqrusiyeniñ Müftisi, cemaat ve siyaset erbabı, yazıcı, şair Noman Çelebicihannıñ adını öz siyasiy maqsatlarınen qullanuvını yamanladı.

“Noman Çelebicihan qırımtatar halqınıñ ulu oğlu, o, tek qırımtatarlarnıñ degil de, Qırımda yaşağan diger halqlarnıñ refahı ve inkişafı aqqında tüşe edi. Çelebicihannıñ esas maqsadı – dinine baqmadan, Qırımnıñ çoqmilletli halqı raatlıq ve uyum içinde yaşap inkişaf etecegi demokratik cumhuriyetni qurmaq edi. Bugün ise, bazı siyasiy küçler Noman Çelebicihannıñ adına ekstremist batalyonlarnı açıp, onıñ adını qaralamağa tırışalar. Biz, qırımtatar halqı olaraq, milliy liderimiz, maarif ve vatanperver ğayelerinden ilham alğanımız yetekçimiz ve milliy ğururımız olğan Noman Çelebicihannıñ adını aqaretlemege ruhset bermeycegimizni bütün dünyağa bildiremiz. Bu siyasiy spekulântlar diger adamlarnıñ adları artında saqlanmayıp, terroristik batalyonlarnı öz adınen adlandırıp, cinayetleri içün mesüliet duymaq kerekler”, – dedi hacı Emirali Ablayev.

 

Qırım MDİ matbuat hızmeti