Bağçasarayda tantanalı müitte Orta Caminiñ 350 yıllığına bağışlanğan markalı bediiy zarfnıñ taqdimi ve müürlenmesi merasimi olıp keçti.
Caminiñ resimi ile markalı zarflar poçta işlevine kirsetildi. Qırım ve Sevastopol sakinleri mezkür zarflarnı öz kollektsiyalarına qoşmaq ya da ülkemiz boyunca ve bütün dünya üzre mektüplerini yollamaq içün satın ala bileler.
Markalı bediiy zarf 50 biñ nusha tirajınen derc etildi.
Tantanalı tedbirde Qırım Müftisiniñ muavini Artur Reşitov, Bağçasaray rayonınıñ baş imamı Seitveli İbragimov ve Aqmescit poçtamt bölüginiñ başlığı Aleksey Palçik iştirak ettiler.
İhtar: Orta cami Bağçasaraynıñ tarihiy qısımında, Hanlar sarayınıñ yanında yerleşe. Bu cami Qırım hanlığınıñ esas cuma camisi sayıla edi.
Qırım MDİ matbuat hızmeti