İmam Maturidiy adına Qalay islâmiy ilimler medresesinde sohtalar arasında ezan yarışı keçirildi.
Yarışta 20 medrese talebesi iştirak etti. Ezannıñ icrasına medreseniñ ocaları kirgen jüri eyyeti qıymet kesti.
Medreseniñ müdiri Vaid Bilâlov em tabeler içün, em de Qırımda diniy saanıñ inkişafı içün böyle tedbirler keçirilmesiniñ müimligini qayd etti.
“Biz er yıl medresemizde ezan yarışlarını keçiremiz. Böyle musabaqalar mustaqbel imamlarnıñ azırlanıluvı içün pek müimdir. Biz yaşlarımız dinlerini bilsin ve onı yaşasın dep ğayret etemiz. İnşallah, şu cümleden, böyle yarışlar sayesinde Qırımda ezan sesi iç bir vaqıt susmaz”, – dedi Vaid Bilâlov.
Yarışnıñ ğalipleri ve bütün iştirakçileri teşekkürnameler ve bahşışlarnen taqdirlendi.
Qırım MDİ matbuat hızmeti