Aqmescitte “Qırım birleştire” bütünrusiye muzıkal yarış-festivalniñ birinci saylav turı olıp keçti. Bu sene o ekinci kere keçirile.
Tedbir teşkilâtçıları – Qırım Cumhuriyeti ve Sevastopol şeeri musulmanları diniy idaresi ile Qırım Cumhuriyetiniñ Medeniyet nazirligidir.
“Qırım birleştire” bütünrusiye yarış-festivali Milliy birlik kününe bağışlanıp, çoqmilletli regionlardan biri ve halqlar dostluğınıñ misali olğan Qırımğa diqqat çekmek ve milletlerara munasebetlerni eyileştirmek içün teşkil etildi.
Festival Qırım Cumhuriyeti Nazirler Şurası, “Rusiye birligi” regionlarara cemaat teşkilâtı ve “DOLPHIN MEDIA” videoprodakşn-studiyasınıñ destegi ile keçirile.
Yarış-festivalniñ şiarı – “Sanat yaqınlaştıra – Qırım birleştire”.
Umumen yarışqa Rusiyeniñ farqlı bölgelerinden 94 iş taqdim etildi. Jüri azaları eñ güzel işlerni saylap, üç nominatsiyada ğaliplerni tayinlediler: milliy motivler, vatanperver nağmeler ve zemaneviy muzıka.
Yarış-festivalniñ nevbetteki basamağı Aqmescitte finalistlerniñ iştirakinen gala-kontsert olaraq keçirilecek.
Qırım MDİ matbuat hızmeti