Mayıs 18 künü Qırımtatar halqı sürgünlik qurbanlarınıñ hatırası kününde yarımada camilerinde dualar keçirildi.
Diniy hadimler camilerge kelgen musulmanlarnen birlikte sürgünlikte canlarını bergen ve Vatanğa qaytıp olamağan vatandaşlarımız – yaqınları ve soyları içün dualar ettiler.
Qırımda qırımtatar halqınıñ sürgünlik qurbanlarını añmaq içün matem tedbirleri er yıl mayıs 18 künü keçirile. Şeerlerde ve diger mesken yerlerde dehşetli sürgünlik qurbanlarınıñ hatırasına bağışlanğan abideler yanına güldesteler qoyula.
Qırım MDİ matbuat hızmeti