Qırım Devlet Şurasınıñ Reisi Vladimir Konstantinov Cuma camini ziyaret etti | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

Qırım Devlet Şurasınıñ Reisi Vladimir Konstantinov Cuma camini ziyaret etti

Опубликовано:

Qırım Cumhuriyeti Devlet Şurasınıñ Reisi Vladimir Konstantinov Devlet Şurasınıñ halq vekilleri ile birlikte Aqmescitteki Büyük Cuma camini ziyaret ettiler. Ziyaretleri ilk kere teşkil olundı ve cami musafirlerni ayrette qaldı.

Qırım Cumhuriyeti ve Sevastopol şeeri Müftisi hacı Emirali Ablayev Qırım musulmanları içün şu caminiñ müimligi ve onıñ bölgemizdeki milletlerara munasebetlerniñ pekitilüvinde oynağan hususiy rolü aqqında tarif etti. Çoq beklenilgen şu caminiñ qurulış tarihını da hatırladılar.

Qırım Müftisi Rusiye Federatsiyasınıñ Prezidenti Vladimir Putinge, Qırımnıñ Başlığı Sergey Aksönovğa ve Devlet Şurasınıñ Reisi Vladimir Konstantinovğa caminiñ qurucılığı ve açıluvı içün köstergen destekleri içün teşekkürler bildirdi.

“Biz er kün quvanamız ki, Yüce Rabbimizge şükürler olsun, bugün Cuma camimizde namazlarnı keçiremiz ve musafirlerni qabul etemiz. Bu sebepten devletimizniñ ve cumhuriyetimizniñ idarecilerine teşekkürler bildiremiz. Eñ müimi – bugün biz muabbetlik ve eyi munasebetler içinde yaşaymız. Bizde milletlerara ve dinlerara saalarında er şey yahşı. Eminim ki, bizim balalarımız ve torunlarımız da öyle yaşaycaq. Biz olarnı öyle terbiye etecekmiz”, – dep, qayd etti hacı Emirali Ablayev.

Ziyaret esnasında umumiy leyhalar muzakere etildi, muabbet ve añlayışlı cemiyetniñ qurulması içün devlet organları ile diniy teşkilâtlar arasındaki işbirlikniñ devam etmesiniñ müimligi qayd etildi.

Ziyaretniñ soñunda Qırım Müftisiniñ muavini Raim Ğafarov musafirler içün cami boyunca ekskursiya keçirdi, olarnı caminiñ interyerinen ve örnekleriniñ manasınen tanış etti.

 

Qırım MDİ matbuat hızmeti