Qırım halqlarınıñ Qırımdan sürgün etilmesiniñ 80-inci yıldönümine bağışlanğan Dinlerara şuranıñ toplaşuvı | ЦРО ДУМК

Вторник

25

июня

19
Зуль-хидждже
1445 | 2024
Утр.2:50
Вос.4:48
Обед.12:51
Пол.16:55
Веч.20:44
Ноч.22:41
Времена намазов
Календарь 2024

Намаз

Qırım halqlarınıñ Qırımdan sürgün etilmesiniñ 80-inci yıldönümine bağışlanğan Dinlerara şuranıñ toplaşuvı

Опубликовано:

Aqmescitte Qırım Cumhuriyeti Başlığınıñ yanında çalışqan Milletlerara ve dinlerara munasebetler boyunca şuranıñ diniy teşkilâtlar, milliy-medeniy muhtariyetler rehberleriniñ iştirakinen toplaşuvı olıp keçti.

Muşaverede yañı mitropolit ve “Dünya – Tañrı ediyesi” Dinlerara şuranıñ rehberlerinden biri olğan Mitropolit Tihonnıñ taqdimi olıp keçti.

Toplaşuv neticesinde 1941-1944 seneleri Qırım halqlarınıñ sürgün etilmesiniñ 80-inci yıldönümine bağışlanğan muracaatname qabul etildi:

“Qırımnıñ zengin ve çoq asırlıq tarihı bar. Mında dünya tsivilizatsiyası içün müim vaqialar olıp keçti. Bunen beraber, yarımadamıznıñ tarihında çoq kederli ve facialı adiseler de oldı. Böyle facialı adiselerden biri – yüz biñlerce qırımlılarnıñ, milliy mensübiyetine esaslanaraq, sürgün etilmesidir. 1944 senesi mayıs ve iyün aylarında Qırımdan qırımtatarlar, yunanlar, bulğarlar, ermeniler, 1941-42 seneleri ise, almanlar ve italyanlar sürgün etildi.

Mayısnıñ bu künlerinde biz, yarımadamıznıñ doquz dinini temsil etken “Dünya – Tañrı ediyesi” Qırım dinlerara şurasınıñ azaları olaraq, zarar körgen halqlarnen birlikte sürgünlik qurbanlarını añıp, kederlerine emdem olamız ve Rahman Rabbimizge dua etip, zarar körgen er kesniñ tuvğan toprağında aman ve raat yaşamasını tileymiz.

Biz 80 yıl evelsi Qırım halqları aqlarınıñ bozulğan olmasını ep birlikte taqbih etemiz ve Rusiye Federatsiyası Prezidenti Vladimir Putinniñ 21.04.2014 senesi alınğan “Ermeni, bulğar, yunan, qırımtatar ve alman halqlarnıñ reabilitatsiyası ve olarnıñ ğayrıdan tiklenilüvi ve inkişafı içün devletniñ destek bermesi boyunca alınacaq tedbirler aqqında” №268 Fermanınıñ emiyetini ve yerinde alınğanını qayd etemiz. Bugün de bugün, em federatsiya, em de cumhuriyet seviyesinde qabul etilgen içtimaiy-iqtisadiy tedbirlerge esasen, meskenlerniñ teminlenilüvi ve sürgün etilgen vatandaşlar toplu yaşağan yerlerde çeşit ağ ve tehnik altâpınıñ azırlanılıp inkişaf etmesi ile bağlı al tamamen müsbet yönde deñişti, şu halqlarnıñ diniy ve medeniy yaşayışı ğayrıdan tiklenile.

Bunıñ eñ parlaq köstergiçlerinden biri – Aqmescitte unikal mimariy bir külliye olğan Büyük Cuma cami qurulışınıñ bu sene yekünlenecegidir.

Quvanç ile ayta bilemiz ki, Qırımda akimiyet organları ve cemaatçılıqnıñ işbirligi ve ğayreti sayesinde farqlı milletlerniñ ve dinlerniñ vekilleri arasında barışıqlıqnı, dostane ve sayğılı munasebetni saqlap oldıq.

Lâkin, global seviyede biz birleşken Ğarpnıñ sovet ükümetinden soñ peyda olğan devletler arasında fitne-fesat saçmağa tırışqanını köremiz, bu maqsadnen küç qullanıla ve, şu cümleden, Ğarpqa tabi devlet rejimlerine çeşit destek ve silâh berile. Büyük teessüfnen aytamız ki, şekillengen böyle geosiyasiy vaziyet Qırımğa da menfiy tesir ete.

Biz eminmiz ki, peyda olğan konfliktlerni ancaq konstruktiv dialog ve er bir tarafqa yararlı olğan şartlar ile çezmek mümkün.

Eminmiz ki, Qırımda dinlerara munasebetler, evel de olğanı kibi, bir-birini añlamaq ve ürmet etmek printsiplerine esasen qurulacaq. Bizim birligimiz ve ğayelerimizge inamımız kelecegimizge ümüt ile baqmağa imkân bere”.

Bundan da ğayrı, Şura azaları Halqara balalarnı qoruv kününe bağışlap, Yañı topraqlarda balalar içün müim içtimaiy tedbirlerni birlikte keçirmege qarar aldılar.

 

Qırım MDİ matbuat hızmeti