Qırım musulmanları Müftisiniñ muavini Muhammed İslamov Qırım Müftisiniñ avalesi ile Aqmescitte yerleşken №1 tüzeltüv koloniyasını ziyaret etti. Cezalarını çekken dindaşlarımıznen körüşip, olarğa diniy kitaplarnı taqdim etti.
“Körüşüvimiz ğayet sıcaq müitte keçti, er kes maneviy-ahlâqiy terbiyeniñ şekillenmesine mıtlaq siltem berecek kitaplarnı taqdim etkenimizge quvandı”, – dedi Muhammed İslamov.
Müfti muavini semetdeşlerimiznen suhbet keçirip, İslâm bilgilerini almaqnıñ müimligini añlatqan hadislerni oqudı.
Qırım MDİ matbuat hızmeti