Qırım Cumhuriyeti ve Sevastopol şeeri musulmanları diniy idaresinde erkânında çalışqan din ocaları içün “Diniy, maliyeviy ve uquqiy savatlılıqnıñ temelleri” serlevhalı seminar keçirildi.
Böyle seminaralar silsilesi İslâm medeniyeti, ilimi ve tahsiline destek fondunıñ yardımı ile keçirile.
Din hadimlerini Qırım Müftisiniñ muavini Raim Ğafarov selâmladı, qadınlar ögünde ise, idaremizniñ diniy tedbirlerni teşkil etüv bölüginiñ rehberi Zenife Ablayeva çıqışta bulundı.
Körüşüvde nevbetteki mevzularda lektsiyalar oquldı:
⁃ İslâmda sofulıq;
⁃ terrorizm ve ekstremizmniñ profilaktikası;
⁃ maliyeviy ve uquqiy savatlılıq
⁃ Qırımda İslâm tarihı;
⁃ birinci qırımtatar qadınlar jurnalınıñ meydanğa ketirilüvi;
⁃ qadın sağlığı ve ruhiyatınıñ profilaktikası.
Toplaşuv devamında bütün soralğan suallerge cevaplar berildi. Seminarnıñ soñunda spikerler ve iştirakçiler içün ziyafet azırlanıldı.
Qırım MDİ matbuat hızmeti