Canköy bölgesi din cemiyetleriniñ reisi Aziz Memetov diniy obyektlerniñ resmiyleştirilüvine yardım boyunca bölgelerara komissiyasınıñ oturışında iştirak etti. Toplaşuv Canköy rayonı memuriyeti başlığınıñ muavini Nelâ Ömelânçuk yolbaşçılığında keçirildi. Körüşüvde diniy obyektlerniñ rayonnıñ köy-qasabaları mülkiyetine keçirilmesi, soñra da merkezleştirilgen diniy teşkilâtlarğa teslim etilüvi muzakere etildi.
Tedbirde rayon şurasınıñ başlığı Yuriy Leşçişin, Canköy rayonı Curğun (Mirnovka) köyü ortodoks hristian teşkilâtınıñ reisi, protoiyerey Vadim Şkurin, rayonnıñ köy memuriyetleri reisleri, rayon memuriyeti erkânındaki idarelerniñ yolbaşçıları iştirak ettiler.
Qırım Cumhuriyeti Başlığınıñ 15.04.2022 sanlı № 1/01-32/1929 avalesiniñ yerine ketirilmesinen bağlı meseleler baqıldı, hususan, Canköy rayonında diniy obyektlerniñ resmiyleştirilüvi ve resmiyleştirilüv esnasında peyda olğan problemalar muzakere etildi.
Oturış devamında avaleler berildi ve olarnıñ ömürge keçirilüviniñ müddeti belgilendi.
Qırım MDİ matbuat hızmeti