Qırım Müftisi hacı Emirali Ablayev ile Qırım Cumhuriyeti ve Sevastopol şeeri musulmanları diniy idaresi (Tavriya Müftiyatı) Müftilikniñ tış alâqalar ve hacnı teşkil etüv bölüginiñ rehberi Artur Reşitovğa babası Resuvut Reşitovnıñ vefatı munasebetinen taziyelerini bildireler.
“Biz Artur Reşitovnıñ qorantasına taziye bildiremiz. Bu acığa dayanmaq içün Allah küç ve sabır bersin. Allah rahmet eylesin. Biz Allahqa niyaz etip, Oña qaytqan canğa merhamet etmesini ve ebediy ayatta nimetlerdirmesini tileyimiz. Epimiz Allah içünmiz ve qaytuvımız Oñadır!” — dedi Qırım musulmanlarınıñ diniy yetekçisi.
Qırım MDİ matbuat hızmeti