Qırım Müftisi hacı Emirali Ablayev ve Qırım Cumhuriyeti ve Sevastopol şeeri diniy idaresiniñ (Tavriya Müftiyatınıñ) hadimleri Yedi Quyu rayonınıñ baş imamı Lenor Mamediyevke anası Mamediyeva Dilâra Mustafa qızınıñ vefat etkeni munasebetinen taziyelerini bildireler. “Biz Lenor Mamediyevniñ ailesine göñülden taziyemizni bildiremiz. Küç ve sabır tileymiz. Allah rahmet eylesin. Allah Taalâğa dua etip, oña qaytqan canğa merhamet etmesini, ahirette nimetlendirmesini niyaz etemiz. Epimiz Allah içünmiz ve qaytuvımız Oñadır”, – dedi Qırım musulmanlarınıñ diniy yetekçisi.
Qırım MDİ matbuat hızmeti