Qırım Cumhuriyeti ve Sevastopol şeeri musulmanları diniy idaresi “Ana tilim – ğururım” III Bütün Qırım yarışınıñ keçirilecegini ilân ete. Yarış fevral 21 künü qayd etilgen Halqara ana tili kününe bağışlana.
İcracılar yarışınıñ “Şiir icrası” nominatsiyasında eki yaş kategoriyasında talebeler iştirak etecek: orta – 6-8 sınıfları ve üyken – 9-11 sınıfları.
Yarışnıñ programmasına Qırım Cumhuriyeti şairleriniñ eserleri kirsetilgen. Çıqış 5 daqiqağa qadar devam etmeli. Yarışta iştirak etmek içün qırımtatar tilinde bir eser azırlanmalı. Çıqış devamında muzıkalı yaraştıruv, slayd-prezentatsiyalar, dekoratsiyalar, milliy urbalar qullanılması mümkün.
Yarışnıñ jüri terkibine qırımtatar tili ocaları ile Qırım Cumhuriyeti ve Sevastopol şeeri musulmanları diniy idaresiniñ hadimleri kirecek.
Çıqışlarğa nevbetteki kriteriyler boyunca qıymet kesilecek:
– icracınıñ ustalığı;
– icracınıñ özgünligi;
– icra etilgen eserniñ bilinmesi;
– nutuqnıñ ifadeli ve doğru oluvı;
– aktörlıq ustalığı;
– icracınıñ sana medeniyeti.
Yarış onlayn formatında keçirile. Videomalümatlar aşağı elektron poçtağa qabul etile: dumk.otdelorg@yandex.ru
Yarışnıñ koordinatorı – İlyasova Gülnara Narimanovna.
Videomalümatlar 2023 senesi, fevralniñ 17-sine qadar qabul etilecek. İlâvede iştirakçinen alâqalı malümat olmalı: iştirakçiniñtolu adı, mektebiniñ tolu adı, sınıfı, ocanıñ tolu adı, ana-babanıñ ya da ocasınıñ kontaktları.
Yarış neticesinde jüri baalarnıñ miqdarına esaslanıp, ğaliplerni belgileycek. Yüksek baalarnı qazanğan talebeler 1-3 derece diplomlarnen ve hatıra bahşışlarınen mukâfatlandırılacaq.
Yarış Halqara ana tili kününe bağışlana ve balalarnı qırımtatar şiiriyeti, bediiy söz janrına celp etmek maqsadınen keçirile.
Qırım MDİ matbuat hızmeti