Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ rehberliginde Qırım rayonları baş imamlarnıñ aylıq toplaşuvı olıp keçti. Qırım musulmanlarınıñ diniy yetekçisi Yüce Allahqa hızmet, vatanperverlik ve öz milletine sevgi aqqında tarif etti.
Körüşüv esnasında diniy hadimler iş meselelerini ve 2023 senesine planlarnı muzakere ettiler.
Toplaşuvnıñ soñunda imamlar bölgelerinde musulmanlar arasında darqatmaq içün “Hidayet” gazetasınıñ yañı sanını ve 2023 senesi içün islâmiy taqvimlerni aldılar.
QMDİ matbuat hızmeti