Qırım Cumhuriyeti ve Sevastopol şeeri musulmanları diniy idaresinde (Tavriya Müftiyatında) Qırım Müftisi hacı Emirali Ablayevniñ rehberliginde bölgelerniñ baş imamları toplaşuvı olıp keçti. Qırım musulmanlarınıñ diniy yetekçisi Yüce Allahqa hızmet, vatanperverlik ve milletke sevgi aqqında tarif etti. Qırım musulmanlarınıñ diniy yetekçisi qayd etti ki, keçken geceni musulmanlar Beraat gecesi munasebeti ile ibadet ile keçirdiler. Körüşüv devamında din hadimleri aktual ağımdaki meselelerni ve kelecek ayğa planlarını muzakere ettiler.
Toplaşuvnıñ soñunda baş imamlar bölgelerinde darqatmaq içün Qırım MDİ çıqarğan resmiy “Hidayet” gazetasınıñ taze sanını aldılar.
Qırım MDİ matbuat hızmeti