Qırım Cumhuriyeti ve Sevastopol şeeri Müftisi hacı Emirali Ablayev “Barışıqlıq – Tañrı ediyesidir” dinlerara şurasınıñ toplaşuvında iştirak etti. Tedbirni Qırım Cumhuriyetiniñ başlığı Sergey Aksönov keçirdi. Şura Qırım sakinleriniñ eyiligi oğrunda artıq 30 yıldır çalışa.
Tedbirde Qırım Mitropoliyasınıñ Aqmescit ve Qırım Mitropoliti Lazar, diger ananeviy dinlerniñ temsilcileri iştirak etti.
Toplaşuvda Şura faaliyetiniñ neticeleri ve 2023 senesine planlaştırılğan tedbirleri muzakere etildi. Bundan da ğayrı, Aqmescitte qurulayatqan Cuma Cami mevzusı köterildi.
Qırım MDİ matbuat hızmeti