Qırım Müftisi UFSİN ile işbirlik meselelerini muzakere etti | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Qırım Müftisi UFSİN ile işbirlik meselelerini muzakere etti

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev özüniñ Cezalarnı icra etüv federal hızmetiniñ idaresi (UFSİN) ile işbirlik boyunca muavini Muhammed İslamov ile birlikte mezkür idare başlığınıñ diniy meseleler boyunca yardımcısı, protoiyerey Roman Tsurkan ile körüşti. Körüşüv devamında Muhammed İslamov ve Roman Tsurkan Qırım musulmanlarınıñ diniy yetekçisine 2022 senesi devamında yapılğan işniñ neticeleri aqqında tarif ettiler ve 2023 senesine iş planınen paylaştılar.

“Men sizge semereli çalışmalar tileyim. İnanğanlar, hususan, apiste bulunğan inanğanlar içün dinlerimizniñ barışıqlıq ketirmesi ve ananeviy qıymetlerni aşlaması pek müimdir”, – dep, qayd etti hacı Emirali Ablayev.

Diniy hadimler ise, öz nevbetinde, Müftige Ramazan ayı arefesinde olarnı güzel qabul etüvi içün teşekkür bildirdiler.

“Ramazan – barışıqlıq, müminler arasında ağa-qardaş munasebetlerniñ pekingeni aydır. Biz er eki dinni kütken insanlar içün Ramazan ayınıñ faydalı keçmesi içün elimizden kelgenini yapacaqmız”, – dep yekünledi Muhammed İslamov.

 

Qırım MDİ matbuat hızmeti