Qırım Müftisi ve RF MDİ Müftisi Yedi Quyu rayonınıñ Körpe köyündeki caminiñ qurucılığını ziyaret ettiler | ЦРО ДУМК

Вторник

16

июля

10
Мухаррем
1446 | 2024
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календарь 2024

Намаз

Qırım Müftisi ve RF MDİ Müftisi Yedi Quyu rayonınıñ Körpe köyündeki caminiñ qurucılığını ziyaret ettiler

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev Rusiye Federatsiyası musulmanları diniy idaresiniñ Reisi Şeyh Ravil Gaynutdin ile birlikte Yedi Quyu rayonındaki Körpe (Kalinovka) köyüni ziyaret etip, köy camisi qurucılığınıñ ketişatınen tanış oldılar.

2019 senesinden başlap, Yedi Quyu rayonınıñ Körpe köyü musulman din cemiyeti Qırım Müftiliginiñ desteginen camilerini qura. Onıñ büyükligi tahminen yüz kvadrat metrni teşkil ete. Cami yanında toplu iftarlar bermek içün de yer bar.

Körpe köyü ealisiniñ otuz fayızı – musulmanlardır. Evel namazlar qızdırılmağan binada keçirile edi. Onıñ içün yerli musulmanlarnıñ camige büyük ihtiyacları bar edi.

Cami yanındaki minareniñ qurulmasına ise, RF MDİ Müftisi Ravil Gaynutdin destek kösterdi. Minareniñ yüksekligi on beş metrni teşkil ete.

 

Qırım MDİ matbuat hızmeti