Qırım Cumhuriyeti ve Sevastopol şeeri Müftisi hacı Emirali Ablayevniñ Yaşlar künü ile hayırlavı:
“Bizim devletimizde yaşlar daima cemiyetniñ içtimaiy ve medeniy ayatında faal iştirak eteler. Bu meselede olarnı, şübesiz, devlet de destekley. Yaşlarğa yönelik bir çoq çeşit tedbirler keçirile.
Yaş nesilniñ dinge de samimiy meraq köstergeni, Allah Taalânıñ buyurıqlarını yerine ketirüvleri ğayet quvandıra. Künümizde camilerimiz boş qalmay, tek bayram künleri degil de, cuma künleri de tolıp taşalar, kelgenlerniñ çoqu da – yigitlerdir.
Qırım Cumhuriyeti ve Sevastopol şeeri musulmanları diniy idaresi olaraq, biz artıq daimiy sürette farqlı medeniy-maarif yarışlar teşkil etemiz, şu musabaqalarda er yıl yaşlarımız begenip, iştirak eteler.
Sizge tolu ve parlaq yaşayışlar, sağlıq, cürat, optimizm ve qaviy iman tileyim.
Siz – bizim kelecegimizsiñiz, bütün memleketimizniñ ve halqımıznıñ kelecegisiñiz!”
Qırım MDİ matbuat hızmeti