Qırım Cumhuriyeti ve Sevastopol şeeri musulmanları diniy idaresinde Qırım ve Sevastopol Müftisi hacı Emirali Ablayevniñ rehberliginde bölge baş imamlarnıñ aylıq toplaşuvı olıp keçti. Qırım musulmanlarınıñ diniy yetekçisi Yüce Allahqa hızmet, vatanperverlik ve milletke sevgi aqqında tarif etti. O, din hadimlerine muracaat etip, Türkiyeniñ cenüp-şarq vilâyetlerinde ve Suriyeniñ şimaliy bölgelerinde zelzele neticesinde zararlanğan insanlarnıñ tez vaqıtta şifalanmaları içün dua etmelerini buyurdı.
Körüşüv esnasında din hadimleri iş meselelerini ve 2023 senesine planlarını muzakere ettiler.
Toplaşuvnıñ soñunda bölge imamları bölgelerindeki musulmanlar arasında tarqatmaq içün QMDİ “Hidayet” gazetasınıñ yañı sanını, 2023 senesi içün taqvimlerni ve Ramazan imsakiyelerini aldılar.
Qırım MDİ matbuat hızmeti