Qırım Müftiyatında Noman Çelebicihannıñ hatırasına inşa yarışı ilân etildi | ЦРО ДУМК

Суббота

24

февраля

14
Шабан
1445 | 2024
Утр.6:04
Вос.7:21
Обед.13:02
Пол.15:53
Веч.18:33
Ноч.19:49
Времена намазов
Календарь 2024

Намаз

Qırım Müftiyatında Noman Çelebicihannıñ hatırasına inşa yarışı ilân etildi

Опубликовано:

Qırımda Qırım Cumhuriyeti ve Sevastopol şeeri umumtahsil mektepleriniñ talebeleri arasında Noman Çelebicihannıñ hatırasına bağışlanğan III edebiy yarış keçirilecek.

Teşkilâtçı – Qırım Cumhuriyeti ve Sevastopol şeeri musulmanları diniy idaresidir. Yarış Qırım Cumhuriyetiniñ tahsil, ilim, yaşlar nazirliginiñ destegi ile keçirile.

“Ebediy yüreklerimizde” mektep inşalarınıñ yarışı oquvları qırımtatar ve rus tilinde alıp barılğan umumtahsil mekteplerniñ talebeleri arasında ötkerilecek.

Yarışnıñ maqsadı – balalarda vatanperverlik, qaramanlıq duyğularını terbiyelemek, yaş nesilniñ maneviy-ahlâqiy temelini qaviyleştirmek, yaşlarda tuvğan topraqqa sevgi, ğurur ve ürmet duyğularını asıl etmektir.

Yarışnıñ vazifesi – Qırım Cumhuriyeti ve Sevastopol şeeri musulmanları diniy idaresi ve Qırım Cumhuriyetiniñ tahsil, ilim ve yaşlar nazirligi arasında işbirlik qurıp, yaşlarğa qırımtatar tarihı, edebiyatını ögrenmege siltem bermek, talebelerniñ icadiy qabiliyetini inkişaf ettirmektir.

Yarışqa qırımtatar tilinde yazılğan işler qabul etile.

İşler 2023 senesi, fevral 13 kününe qadar qabul etilecek. İştirakçiler inşanıñ obyektini, janrını ve mevzusını, süjetini ve kompozitsiyanı Noman Çelebicihannıñ ayatı aqqında öz teessüratlarına esaslanıp saylay bile.

Yarışınıñ neticeleri ve ğaliplerniñ taqdirlenüvi fevral ayınıñ soñunda keçirilecek.

Jüri terkibine qırımtatar tili ocaları, QMDİ hadimleri, tarihçılar, edebiyatşınaslar, yazıcılar ve şairler kirecek.

Ğalipler işlerniñ reytingine esaslanıp saylanacaq.

İcadiy işlerge beş baalıq reyting boyunca qıymet kesilecek: süjet, kompozitsiya, mevzu açılmasınıñ terenligi, qırımtatar tili qaideleriniñ kütülmesi.

Diqqat! Azır işlerge ilâve olaraq iştirakçiniñ anketasını (ilâvege baq) yollamaq kerek. İşlerni yarışnıñ koordinatorı İlyasova Gülnara Narimanovnağa, aşağı elektron adres boyunca yollamaq kerek: dumk.otdelorg@yandex.ru.

Yarış inşasınıñ kölemi A4 formatında 5 saifeden ziyade olmamalı, şrift Times New Roman, interval 1,5, büyükligi 14, satırlar 2 sm.

 

 

İLÂVE

 

АНКЕТА

участника конкурса сочинений среди школьников общеобразовательных учреждений Республики Крым с русским и крымскотатарским языками обучения ко Дню памяти Номана Челебиджихана «Эбедий юреклеримизде»

Фамилия, имя, отчество

Год рождения

№ СШ, класс

ФИО и должность педагога-руководителя, № телефона

Название сочинения

№ телефона участника конкурса

Адрес электронной почты

 

Qırım MDİ matbuat hızmeti