Qırım Müftiliginiñ resmiy hacılıq turistik operatorı “AVN-tur” şirketi hacılar içün vizalarnıñ resmiyleştirilüvini yekünledi.
Qırım Cumhuriyeti ve Sevastopol şeeri Müftisiniñ muavini, Müftiyatnıñ tış alâqalar ve hacılıqnı teşkil etüv bölüginiñ rehberi Artur Reşitov qayd etkenine köre, 2024 senesi hacılıqnıñ teşkil etilüviniñ esas qısımı artıq becerildi ve bütün hac yolcuları vizalarını aldı.
Hatırlatamız, 2024 senesi Rusiye hacılıq missiyası Qırımğa 300 yer köleminde kvotanı ayırdı.
Qırım MDİ matbuat hızmeti