Qırım Cumhuriyeti ve Sevastopol şeeri musulmanları diniy idaresiniñ bütün camilerinde günahlar afu etilgeni Beraat gecesi munasebetinen dualar oquldı. Bundan da ğayrı, din hadimleri bu geceniñ emiyeti aqqında suhbetler keçirdi.
Qayd etmeli ki, Beraat gecesi – musulman dünyasında Qadir gecesinden soñra eñ müim sayılğan gecelerden biridir. Beraat gecesinde insannıñ kelecek yılğa rızqı belgilene. Bu gece eyi amelleri olğan kişiler ceennemden, yaramay amelleri olğanlar ise, cennetten uzaqlaştırıla.
Qayd etmeli ki, bu gece musulmanlar ölülerniñ ruhlarına ve günahlarınıñ bağışlanuvı içün dualar oquylar, kündüz ise, oraza tutmaq, mezarlıqlarnı ziyaret etmek, sadaqa bermek tevsiye etile.
Qırım MDİ matbuat hızmeti