Qırım Cumhuriyeti ve Sevastopol şeeri musulmanları diniy idaresi Türkiyeniñ cenüp-şarq qısımında ve Suriyeniñ şimaliy bölgelerinde viran etici zelzele neticesinde zarar körgenlerge yardım yolladı.
2 751 485,65 ruble miqdarındaki para Qırım musulmanları hayriye fondu tarafından resmiy şekilde Rusiye Federatsiyasındaki Türkiye Cumhuriyetiniñ Elçiligi esabatına keçirildi.
Bundan evel Müftiligimiz Qırım Cumhuriyeti Başlığı yanındaki Qırımtatar halqınıñ şurası ile birlikte zelzele sebebinden zararlanğanlar içün gumanitar yardımnıñ toplanmasını ilân etken edi.
Hatırlatamız, fevralniñ 6-sında Türkiyeniñ cenüp-şarq qısımında ve Suriyeniñ bir qaç bölgesinde eki küçlü yer teprenüvi baş berdi.
Yardımlar toplanmağa devam ete. Yardım etmege istegenler öz mesken yeriniñ imamına muracaat eterek ya da Qırım musulmanları hayriye fondunıñ esabına yollayaraq, yardımlarını teslim etmeleri mümkün.
БФ Мусульман Крыма
ИНН/КПП 9102201739, 910201001
ОГРН 1159102132012
ОКПО 01581677
Расчетный счет 40703810041300000158
БИК 043510607 в РНКБ БАНК (ПАО)
Корреспондирующий счет
№ 30101810335100000607
Назначение платежа: благотворительное пожертвование пострадавшим от землетрясения.
Qırım MDİ matbuat hızmeti