2024 senesi Qırım Cumhuriyeti ve Sevastopol şeeri musulmanları diniy idaresiniñ resmiy hacılıq operatorı “AVN-tur” ile birlikte hacılıqqa yol alğan Qırım musulmanları Saudiye Arabistanı topraqlarına barıp yettiler.
Qırım musulmanlarınen beraber hacılıq yolunda tecribeli taqım rehberleri ve ekimler bulunıp, semetdeşlerimizge hacılıqnıñ bütün ibadetlerinde yardımcı olalar.
Dindaşlarımız Aqmescitten, üç taqım olıp, trennen Moskvağa yol alğan ediler, andan ise, Saudiye Arabistanına uçaqnen barıp yettiler. Umumen, 2024 senesi Qırımdan 300 kişi hacılıqqa yol aldı.
Qırım MDİ matbuat hızmeti