Qırım Cumhuriyetiniñ başlığı Sergey Aksönov onıñ yanında çalışqan Qırımtatarlar şurasınıñ toplaşuvını keçirdi. Toplaşuv esnasında şuranıñ 5 yıllıq faaliyetiniñ neticeleri çıqarılıp, 2023 senesine iş planı belgilendi.
“Keçken yıllar devamında büyük iş yapıldı. Qırım ğayrıdan Rusiye terkibine kirgenden berli Şura cumhuriyetniñ içtimaiy-siyasiy ayatında faal iştirak ete. Onıñ azaları daima yardım qolunı uzatmaq azırlar. Qırım ealisi içinde şekillengen milletlerara barışıqlıq büyük ölçüde Şura faaliyetiniñ neticesidir. Şuranıñ işi, millet mensübiyetine baqmadan, cumhuriyetniñ bütün sakinlerine destek köstermege yöneliktir. Eminim, Rusiye Qırımınıñ hayırı içün ilerideki müşterek işimiz de böyle semereli olacaq”, – dedi Qırım Başlığı.
Bundan da ğayrı, Sergey Aksönov qoştı ki, Qırımtatarlar şurası azalarınıñ episi vatandaşlarnen faal çalışa, mahsus arbiy operatsiya içün gumanitar yardımnı toplav işinde iştirak eteler.
Körüşüv çerçivesinde Qırım Cumhuriyetiniñ Başılığı Qırım Müftisi hacı Emirali Ablayevge Rusiye Federatsiyası Akimiyetiniñ Reisi Mihail Mişustinden teşekkür mektübini teslim etti.
Müfti Şura azalarına faaliyetleri içün teşekkür bildirdi ve Rusiye Federatsiyasınıñ Akimiyeti ile Qırım Cumhuriyetiniñ akimiyet organlarına qırımtatarlarğa kösterilgen destek içün minnetdarlığını bildirdi.
“Biz tek qırıtatarlarğa degil de, çoqmilletli Qırımnıñ cemiyetine hızmet etemiz. Qırım Cumhuriyeti başlığı yanındaki Qırımtatarlar şurasına farqlı dinlerniñ ve milletlerniñ vekilleri muracaat eteler. Biz iç bir meseleni diqqatsız qaldırmaymız. İleride de Vatanımıznıñ eyiligi içün çalışacaqmız”, – dep, qayd etti Qırım Müftisi hacı Emirali Ablayev.
Toplaşuv devamında Şura azaları Kiyevdeki provokatorlarnıñ faaliyetini taqbih etken arizanı qabul ettiler.
Buña ilâve olaraq, toplaşuv iştirakçileri Qırım Cumhuriyetiniñ Başlığı yanında çalışqan Qırımtatarlar şurasınıñ 5 yıllıq faaliyetini muzakere ettiler ve 2023 senesine planlarını belgilediler. Aqmescitte Cuma Caminiñ qurucılıq ketişatını muzake ettiler ve federal seviyede keçirilecek umumdevlet tedbirlerge qırımtatar taqımlarını celp etmek teklifinen bulundılar.
Qırım MDİ matbut hızmeti