Qırımnıñ bütün camilerinde İslâm temelleri ögrenile | ЦРО ДУМК

Вторник

16

июля

10
Мухаррем
1446 | 2024
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календарь 2024

Намаз

Qırımnıñ bütün camilerinde İslâm temelleri ögrenile

Опубликовано:

Qırım Cumhuriyeti ve Sevastopol şeeri musulmanları diniy idaresi daimiy şekilde bütün istegenlerge, şu cümleden, qadın-qızlarğa ücretsiz İslâm temelleri ve Quran oquvını ögrete. Dersler camilerde Müftiligimizniñ mütehassıs ocaları tarafından alıp barıla.

Böylece, Aqşeyh rayonınıñ Sadır (Slavânskoye) köyünde de böyle bedava kurslar başlandı. Dersler er cuma ertesi künü saat 9:00-10:30 arası “Sadır” din cemiyetiniñ ibadethanesinde keçirile.

Bundan da ğayrı, böyle dersler er cuma ertesi künü saat 11:00-13:00 arası Munus (Serebrânka) köyünde ve er cuma künü saat 11:00-13:00 arası Büyten (Kotovskoye) köyünde alıp barılacaq.

Bağçasaray rayonınıñ “Arslan” yaşlar merkezinde ise, studentler taqımı artıq İslâm temelleri ve Quran oquvı kursunı yekünlediler. Kursnı bitirgen 15 qızğa Quran-ı Kerim nushaları ediye etildi. Dersler 6 ay devam etti. Quranlar tantanalı müitte taqdim etildi. Bundan da ğayrı, kurs ocası Feride İbragimova talebelerge Qurannı bilmekniñ emiyeti aqqında tarif etti.

Buña ilâve olaraq, Aqmescit rayonınıñ Boğurça ve Maryino qasabalarında da Quran dersleri yekünlendi. Kurs ocaları talebelerine Aqmescitteki Büyük Cuma camige ve Bağçasaraydaki İsmail Gasprinskiyniñ ev-müzeyi ile Zıncırlı medresege ziyaretlerni teşkil ettiler.

İslâm temelleri boyunca doğru bilgilerge saip olmağa istegenler bütün Qırım camilerinde Quran oquvı ve İslâm temelleri kurslarına yazıla bileler.

 

Qırım MDİ matbuat hızmeti