Qırım Cumhuriyeti Milletlerara munasbetler boyunca devlet komitetinde 2024 senesi hacılıqqa baracaq semetdeşlerimizniñ yolculığını teşkil etmek boyunca muşavere olıp keçti.
Bu sene Rusiye hacılıq missiyası Qırım musulmanları içün 300 yer ayırdı. Muşavere esnasında çetel pasportlarnı aluv, hacılıqqa baracaq musulmanlarnıñ aşılanuvı ve logistika meseleleri muzakere etildi.
Muşavere Milletlerara munasbetler boyunca devlet komiteti başlağınıñ birinci muavini Ruslan Yaqubovnıñ rehberliginde olıp keçti. Tedbirde müftiligimizni “AVN-Tur” Qırım hacılıq turoperatorınıñ rehberi Artur Reşitov temsil etti. Bundan da ğayrı, toplaşuvda Qırım Cumhuriyeti boyunca İçki işler nazirliginiñ, Qırım Cumhuriyeti Naqliye nazirliginiñ, Tüketicilerniñ aqlarını qorçalav ve insanlarnıñ selâmetligine nezaret boyunca federal hızmetniñ (Rospotrebnadzor), “Sürgün etilgen halqlarğa hızmet boyunca konsultativ-diagnostik merkez” devlet hastahanesiniñ, Qırım Cumhuriyeti Arbiy komissariyatınıñ temsilcileri bulundı.
Qırım MDİ matbuat hızmeti