Qırımtatar medeniy-tarihiy miras müzeyinde antiterroristik faaliyet çerçivesinde profilaktika tedbiri olıp keçti.
“Künümizde ekstremizmniñ ve terrorizmniñ şekilleri” mevzusında lektsiya-suhbetni Qırım Müftisiniñ muavini Raim Ğafarov keçirdi.
O, qayd etti ki, terrorizm ve ekstremizmniñ zemaneviy şekilleri daima deñişip tura, elâk olğan insanlarnıñ sayısı arta ve cemiyetniñ ruhiy reaktsiyası ep kerginleşe.
Esas diqqat bugünki künde sıq rastkelgen diniy mefküre temelinde yapılğan zorbalıqlarnıñ eñ yayğın formalarına ve buña qarşılıq köstermek içün alınğan tedbirlerge, bundan da ğayrı, cemiyette özüni alıp baruv edebiniñ ananeviy şekiline ayırıldı.
Tedbir Qırımtatar medeniy-tarihiy miras müzeyi tarafından Qırım Cumhuriyeti Medeniyet nazirligi ve Qırım Cumhuriyeti ve Sevastopol şeeri musulmanları diniy idaresiniñ destegi ile teşkil etildi.
Tedbirniñ soñunda Raim Ğafarov diñleyicilernen suhbetleşti ve olarnıñ suallerine cevaplar berdi.
Qırım MDİ matbuat hızmeti