Qurman rayonında daa bir cami qurulıp başlandı | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

Qurman rayonında daa bir cami qurulıp başlandı

Опубликовано:

Qırım Cumhuriyeti Qurman rayonınıñ Poltavka köyünde yañı caminiñ qurucılığına başlanılıp, tantanalı müitte temel qoyuv merasimi olıp keçti.

Adet üzre tedbir Quran ayetleriniñ tilâvetinen başlanıldı. Qırım Cumhuriyeti ve Sevastopol şeeri Müftisi adından Müfti muavini Raim Ğafarov köy sakinlerini bu müim vaqianen hayırladı.

“Yañı cami musulmanlarnıñ birleşkeni merkez olacaq, mında mıtlaq, diger camilerde olğanı kibi, din dersleri keçirilecek. Allahqa şükürler olsun, tuvğan toprağımızda ardı-sıra yañı camiler qurula ve açıla”, – dedi Raim Ğafarov.

Qırım Cumhuriyeti ve Sevastopol şeeri Müftisiniñ muavini Emir-Asan Ümerov, mezkür bölgeniñ kuratorı olaraq, cemaat namazını keçirdi. Adet üzre cami qurulacaq yerde qurban çalındı.

Bundan da ğayrı, merasimde Qırım Cumhuriyeti Milletlerara munasebetler boyunca devlet komitetiniñ reisi Ayder Tippa, yerli memuriyetniñ vekilleri, Qurman rayonınıñ baş imamı Suleyman Samedinov, QMDİ qurucılıq bölüginiñ rehberi Ervin Kerimov iştirak ettiler.

Tedbirniñ soñunda musafirler lezzetli milliy yemekler ile sıylandı.

 

Qırım MDİ matbuat hızmeti