Qırım Cumhuriyeti ve Sevastopol şeeri Müftisiniñ muavini Raim Ğafarov Seyitler rayonı başlığınıñ yanında çalışqan Milletler ve dinler ara şurasınıñ toplaşuvında iştirak etti. Tedbir Seyitler rayonı memuriyetiniñ başlığı Anton Kravetsniñ reisliginde olıp keçti. Raim Ğafarov öz çıqışında iştirakçilerniñ diqqatını musulman diniy bayramları keçirilüviniñ qaidelerine çekti.
Buña ilâve olaraq, toplaşuvda Seyitler rayonı din cemiyetleriniñ reisi Rustem Temirov çıqışta bulundı. O, diniy obyektlerniñ resmiyleştirilüvi saasında keçirilgen tedbirler aqqında tarif etti.
Tedbirniñ soñunda bütün problemalı meseleler memuriyet başlığınıñ nezareti astına alındı.
Qırım MDİ matbuat hızmeti