Ramazan ayı yaqınlaşqanınen Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) din hadimleri musulmanlar içün orazanıñ müimligi aqqında suhbetler keçireler.
Hatırlatamız, 2023 senesi oraza mart 23-te başlaycaq ve aprelniñ 21-isine qadar devam etecek. Aprelniñ 21-i ise, Oraza bayramı qayd etilip başlaycaq.
Ramazan ayı – musulmanlar içün eñ degerli aydır. 30 kün devamında musulmanlar kündüz aşamaqtan ve içmekten, cınsiy munasebetlerden vazgeçip, oraza tuta. Kün qavuşqanınen ise, iftar vaqıtı kele ve ağız açıla.
İftarlarnı cemaatnen keçirmek daa savaplıdır, buña köre olar sıq-sıq camilerde keçirile.
Musulmanlar, kün boyunca tendürüst olmaları içün, tañ atmadan temçitke turalar ve oraza vaqıtı kirmeden evel qapınalar.
Qırım MDİ matbuat hızmeti