Professor, Qırım İlimler Akademiyasınıñ azası, Fevzi Yaqubov adına Qırım müendislik pedagogika universiteti yanındaki Qırımtatar filologiyası, tarihı ve Qırım halqlarınıñ medeniyeti boyunca ilmiy tedqiqat institutınıñ direktorı İsmail Kerimov Noman Çelebicihannıñ hatırası kününiñ çerçivesinde meraqlı faktnı açıqladı.
“1917 senesi Noman Çelebicihan Ufada keçirilgen Rusiye Müftileriniñ toplaşuvına davet etildi. O, Rusiyeniñ bütün musulmanlarına fayda ketire bilecek Rusiye İslâm institutını tesis etmek teklifinde bulundı. Onıñ ğayesine destek kösterdiler, amma sözler öyle de amelge keçirilmedi. Qırımğa qaytqan soñ, Noman Çelebicihan istegini ömürge keçirmege qarar aldı – İslâm institutını açmaqnı maqsat qoydı ve şu sebepten alimler şurasını topladı. Neticede, Zıncırlı medresesinde Meñli Geray adına universitet açıldı, oquv yurtunda diniy ilimlernen bir sırada fen ilimleri oqutıla edi”, – dep paylaştı İsmail Kerimov.
Qırım MDİ matbuat hızmeti