Seyit Settarda “Hatıra künü” | ЦРО ДУМК

Вторник

25

июня

19
Зуль-хидждже
1445 | 2024
Утр.2:50
Вос.4:48
Обед.12:51
Пол.16:55
Веч.20:44
Ноч.22:41
Времена намазов
Календарь 2024

Намаз

Seyit Settarda “Hatıra künü”

Опубликовано:

Qırım Cumhuriyeti ve Sevastopol şeeri musulmanları diniy idaresi erkânında çalışqan “Alem-i nisvan” İslâm medeniy-maarif merkezinde qırımtatar halqı sürgünliginiñ 80-inci yıldönümine bağışlanğan “Hatıra künü” tedbiri olıp keçti.

Toplanğanlar ögünde Qırım Cumhuriyeti ve Sevastopol şeeri Müftisi adından Müftiligimizdeki diniy tedbirlerni teşkil etüv bölüginiñ rehberi Zenife Ablayeva çıqışta bulundı.

“1944 sene, mayıs 18 künü olıp keçken dehşetli vaqialar daima hatıramızda qalacaq. Biz, kelecek nesillerniñ bu facialı künlerni unutmamaları ve halqımıznıñ tarihını bilmeleri içün elimizden kelgenini yapamız. Şükürler olsun, bugün Vatanımızda inkişaf etmek ve güzel yaşamaq içün bütün imkânlarımız bar”, – dep, qayd etti Zenife Ablayeva.

Seyit Settar camisiniñ konferentsiya zalında sürgünlikte can bergenlerge bağışlanıp, dua etildi. Bundan da ğayrı, tedbirde sürgünlik şaatlarınıñ hatıralarını añlatqan “Qalpte iman ile” vesiqalı film kösterildi, tedbir iştirakçileri ile samimiy suhbet keçirildi.

 

Qırım MDİ matbuat hızmeti