Sudaq rayonınıñ Qutlaq (Vesöloye) köyünde yüz bergen yanğın sebebinden üç balalı Osmanovlar ailesi evsiz qaldı. Yanğın yanvar 23 künü, saba erte, ev saipleri yuquda olğanda başlandı. Ateşni Mustafa Osmanovnıñ apayı kördi. Bir qaç daqiqa içinde ateş evni bütüney sarıp aldı, bir şeyni saqlap qalmaq imkânı qalmadı.
Osmanovlar ailesi yardım içün Qırım Müftiyatına muracaat etti. Qırım Müftisi hacı Emirali Ablayev Osmanovlar ailesiniñ evlerini ğayrıdan tiklemelerine yardım etmek içün qolundan kelgen yardımını kösterdi.
Qırım Müftisiniñ qayd etkenine köre, Qırım Müftiyatı qurucılıq işleri tezce bitsin ve qoranta tezce evine qaytsın dep ileride, imkânına köre, ilâve yardım kösterir. Şimdi Osmanovlar soylarınıñ evinde yaşamaq mecburiyetinde qaldı.
Belâğa oğrağan semetdeşlerimizge yardımnı Qırım musulmanlarınıñ hayriye fondu arqalı köstermek mümkün:
ИНН/КПП9102201739, 910201001
ОГРН1159102132012
ОКПО 01581677
Расчётный счёт 40703810041300000158
БИК 043510607 в РНКБ БАНК (ПАО)
Корреспондирующий счёт
№ 30101810335100000607
Назначение платежа: благотворительное пожертвование погорельцам.
Qırım MDİ matbuat hızmeti