Aqmeçit (Çernomorskoye) camisiniñ azbarında yerli din cemiyeti tarafından 300 tüp terek saçıldı. Baş imam Löman Abduramanovnıñ qayd etkeni kibi, bu faaliyet farqlı yaşta olğan musulmanlarnı bir ğayede birleştirdi.
Allahnıñ Peyğamberi (s.a.s.) böyle degen: “Eger bir musulman terek saçsa, ya da bir şeyler ekse, bundan soñ quş, insan ya da bir ayvan saçılğan-ekilgen şeyden aşasa, bu saçqan kimse içün sadaqa olaraq yazılır”.
Musulman saçqanı er şey oña, atta, dünyanı terk etken soñ bile, fayda ketirecek. Peyğamberimiz (s.a.s.) bildirgeni kibi, musulman ölümden soñra da, mezarda olğanda, yedi işi içün savabını almağa devam etecek. Böyle iglerden biri – terek saçmaqtır.
Qırım MDİ matbuat hızmeti