Aqmescit şeer memuriyetiniñ 26.11.2020 tarihlı qararı ile Vorovskogo, 7 adresi boyunca yerleşken Salğır baba azizi olaraq meşhur topraq saası Qırım Cumhuriyeti ve Sevastopol şeeri musulmanları diniy idaresiniñ mülkiyetine teslim etildi.
“Eki sotka topraq saası yigirmi yıl devamında baqımsız qaldı. Qırım Müftiligi anda vaqıt-vaqıt talaqalar keçire edi, amma şu saanı abadanlaştırmaq imkânı tek şimdi, topraq QMDİ mülkiyetine keçken soñ, peyda oldı”, – dedi ayttı QMDİ qurucılıq ve topraq meseleleri boyunca bölükniñ rehberi Ervin Kerimov.
Yaqında Salğır baba aziziniñ saasında temizlik işleriniñ keçirilüvi planlaştırıla, bundan soñ ise, abadanlaştıruv işleri başlanacaq. Eski azizge alâqası olmağan qurulışlarnıñ yoq etilmesi, quruğan ösümliklerniñ temizlenüvi, buradaki çoqraqnıñ temizlenip açılması ve yeşil dekorativ ösümliklerniñ saçılması planlaştırıla.
Qırım Müftiligi göñülli olaraq şu işke qoşulmağa ve Aqmescitniñ tarihiy abidesi olğan Salğır baba aziziniñ abadanlıştırıluvı boyunca öz fikir ve ğayelerinen paylaşmağa istegenlerni davet ete.
QMDİ matbuat hızmeti