Bağçasaraynıñ Orta camisinde ve “Arslan” yaşlar medeniy-sport cemaat teşkilâtınıñ binasında daimiy sürette İslâm temelleri ile Quran oquvı dersleri ve diniy mevzularda seminarlar keçirile.
“Biz ealiniñ diniy maarifi boyunca tedbirlerni sıq-sıq keçiremiz. İslâm temellerini ögrenmek istegenlerniñ sayısı yıl-yıldan artqanı ğayet quvandıra. Bu – insanlar İslâmnı işanılır menbalardan bilmek istegenini ve ecdatlarınıñ urf-adetini ögrenmek tırışqanını köstere”, – dey İslâm temelleri ocası Feride İbragimova.
İhtar. Quran oquvı, İslâm temelleri kurslarına yazılmağa istegenler ilâve malümat içün Bağçasaraynıñ Orta camisine ya da Bağçasaray rayonınıñ baş imamı Seitveli İbragimovğa muracaat ete bileler.
QMDİ matbuat hızmeti