Haberler
“Muhammed Peyğamber – insanlarnıñ eñ yücesi!” yarışı devam ete
Опубликовано:
Qırımda "Muhammed Peyğamber – insanlarnıñ eñ yücesi" yarışına icadiy işlerniñ qabul etilüvi devam ete. Tedbir teşkilâtçısı "Büllür" Qırım müsulman qadınları Birleşmesi ve Qırım ve Sevastopol şeeri Diniy İdaresidir. Tedbirde 5-14 yaşındaki balalar iştirak ete. Yarışqa qırımtatar ve rus tilinde azırlanğan ve video şekilinde olğan – Muhammed Peyğamberge (s.a.s.) bağışlanğan şiirler ve nazm eserleri, salâvatlar, ilâhiler, naşidler kibi işler qabul etile. Video 3 daqqadan ziyade olmamalı. İşlerni yollamaq içün nevbetteki telefon vastası ile bağlanmaq mümkün: +7 978 842 5770. Video 2018 senesiniñ noyabrniñ 15 kününe qadar qabul etilecek. QMDİ matbuat hızmeti
Qırım Müftiligi Quran oquvı boyunca on-layn derslerini başlay
Опубликовано:
Qırım ve Sevastopol şeeri müsulmanları Diniy idaresi Quran oquvı boyunca on-layn şekilinde keçirilecek derslerge davet ete. Programma, arap elifbesi ve imlâsınıñ ögrenilüvi, tecvid qaideleri, "Fatiha", "İhlâs", "Felâq", "Nas" ve "Kevser" sureleriniñ esasında oquv boyunca ameliy dersler ve manalarınıñ ögrenilüvini qavrap ala. Ameliy dersler ve vazifelerni ögrenciler elektron poçta boyunca alacaqlar. Kurs 3 ay qadar devam etecek. Dersler aftada 2 kere keçirilecek. Umumen, 24 ders keçimek niyet etile. Gruppağa yazılmaq içün telefon nomerası: +7 978 014 51 63. On-layn dersleriniñ başlanuvı noyabrniñ 15-ne planlaştırıla. QMDİ matbuat hızmeti
Qırım Müftisi İslâm temelleri ocalarınen iş körüşüvini keçirdi (FOTO)
Опубликовано:
Qırım müsulmanları Diniy idaresinde Qırım Müftisi hacı Emirali Ablayevniñ QMDİ ocalarınen körüşüvi keçirildi. Körüşüv çerçivesinde toplanğanları internet-resurslarınıñ qullanıluvı ile İslâm dersleri keçirilüviniñ inkişafı ve imkânları muzakere etildi. Al-azırda QMDİ yanında Qurannıñ on-layn dersleri leyhası başlandı. Yaqın zamanda on-layn din dersleriniñ keñleşüvi planlaştırıla. Müfti teşebbüske qol tuttı ve QMDİ-niñ diniy tasil bölügine teşkiliy suallerni nezaret etmege avale etti. Bundan da ğayrı, ocalar diniy tasil saasında bilingval oquvı mevzusını muzakere ettiler. Müfti: "Yaş nesilge din ana tilinde ögretilmek kerek, çünki milletniñ maneviy mirası aynı tilde saqlanıp qaldı", dep qayd etti. QMDİ "Faydalı ilim" Merkeziniñ usuliy bölügi, ocalar içün "İslâm huquqı" boyunca keçirilgen imtiannıñ neticelerini çıqardı. Ocalar imtianda yüksek seviyeni numayış ettiler. QMDİ matbuat hızmeti [gallery link="file" columns="4" size="medium" ids="21753,21751,21749,21747,21745,21743,21741,21739,21737,21735"]
Qırım MDİ Yuqarı Şurası Qırım Müftisiniñ muavinlerini sayladı (FOTO)
Опубликовано:
Qırım ve Sevastopol şeeri müsulmanları Diniy idaresiniñ Yuqarı Şurasınıñ toplaşuvında Qırım Müftisiniñ teklifi ile Müfti muavinleri vazifesine Ayder İsmailov ve Esadullah Bairov tayin etildi. Seçim Qırım MDİ Yuqarı Şurası azalarınıñ rey berüvi vastasınen olıp keçti. Qırım müsulmanları Diniy idaresiniñ Nizamnamesine köre, Müfti muavini vazifesine Ayder İsmailov ve Esadullah Bairov beş yıllıq müddetine saylandı. Hatırlatamız, oktâbr 27 künü Aqmescitte Qırım musulmanlarınıñ VI esabat-saylav Qurultayı olıp keçti. Qurultayda 344 delegattan 308 qayd etildi. Saylavlarnıñ neticesinde Qırım Müftisi vazifesine hacı Emirali Ablayev saylandı. QMDİ matbuat hızmeti [gallery link="file" columns="4" size="medium" ids="21713,21711,21709,21707,21705,21703,21701,21699,21697,21695,21693"]
Qırım Müftiligi mahkeme icracılarını zenaat bayramınen hayırladı (FOTO)
Опубликовано:
Noyabr 1 künü Qırımtatar devlet akademik muzıkalı-drama teatrinde mahkeme icracılarınıñ zenaat Kününe bağışlanğan tantanalı tedbir olıp keçti. Merasimde Qırım Müftisiniñ yardımcısı, Aqmescitniñ baş imamı Muhammed İslamov iştirak etti. O, Qırım Müftisi ve Qırım ve Sevastopol şeeri müsulmanları Diniy idaresi adından tedbir musafirlerini selâmladı ve mahkeme icracılarını zenaat kününen hayırladı. Muhammed İslamov Federal mahkeme icracıları olaraq çalışqan vetandaşlarğa eyi hızmet ve işbirlik içün fahriy yarlıqlarnı taqdim etti. Aqmescitniñ baş imamı mahkeme icracıları hızmetiniñ hadimlerine işlerinde qaviy sağlıq, muvafaqiyetler, qorantalarına barışıq ve bereket, tiledi. QMDİ matbuat hızmeti [gallery link="file" columns="4" size="medium" ids="21725,21723,21721,21719"]
Qırım müsulmanlarınıñ VI Qurultayı işini yekünledi (FOTO)
Опубликовано:
Oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI esabat-saylav Qurultayı olıp keçti. Qurultayda davet etilgen 344 delegattan 308 vekil qayd etildi. Ürmetli musafirler arasında Qurultayda Qırım Cümhuriyetiniñ Başı Sergey Aksönov, QC DŞ Reisi muavini Edip Gafarov, Rusiye Federatsiyası Devlet Dumasınıñ deputatı Ruslan Balbek, Milletlerara munasebetler ve sürgün etilgen grajdanlarnıñ işleri boyunca Devlet Komitetiniñ Başı Lenur Abduramanov, Qırım Başı yanındaki Qırımtatar halqı Şurasınıñ azaları, cemaat teşkilâtları ve birleşmelerniñ azaları oldı. Qurultay, Rusiye Federatsiyası, Qırım Cümhuriyeti, qırımtatar halqınıñ gimni ve Muqaddes Kitap Quran-ı Kerimniñ tilâveti ile başlandı. Delegatlarnı Qırım Başı Sergey Aksönov, Qırım Devlet Şurası adından spiker Vladimir Konstantinovnıñ muavini Edip Gafarov ve Rusiye Federatsiyası Devlet Dumasınıñ deputatı Ruslan Balbek selâmladılar. Qurultay vekilleri ve musafirleri ögünde Qırım ve Sevastopol şeeri müsulmanları Diniy idaresiniñ soñki beş yıllıq işi boyunca esabat maruzasınen Qırım Müftisi hacı Emirali Ablayev çıqışta bulundı. O, bu müddet devamında Qırım Müftiliginiñ yapqan işleri aqqında tarif etip, müim ve inkişaf etüv maddelerini ayrıca qayd etti. Hususan, Aqmescitte Cuma Caminiñ qurucılığı, Cumhuriyet müsulmanlarına din inşaatlarınıñ qaytarıluvı, yarımada regionlarında diniy-maarif ve hayriye faaliyeti ve ilâhre. Qırım Müftisiniñ çıqışından soñ, Qurultay vekilleri Müftilikniñ işini qanaatlendirici olaraq tanıdı. Qurultaynıñ esas suallerinden biri - Qırım Müftisiniñ ilerideki beş yıllıq müddetine ve Teftiş komissiyanıñ yañı erkânınıñ saylanuvı oldı. Delegatlarnıñ episi şimdiki Müfti hacı Emirali Ablayevge qol tuttı ve onıñ Müftilik vazifesini daa beş yılğa qadar uzattılar. Teftiş komissiyasınıñ yañı erkânına: reis olaraq Aqmeçit rayonınıñ imamı Löman Abduramanov saylandı. Komissiya azaları — Krasnoperekopsk rayonınıñ imamı Eskender Suleymanov; Seytasan Asanov — Saq rayonı din cemiyetleriniñ başı; Qalay medresesiniñ müdiri — Emir-Asan Ümerov ve Seyitler rayonı din cemiyetleriniñ başı — Rustem Temirov saylandı. Bundan da ğayrı, Qurultay delegatları "Qırım" Fondınıñ balansında olğan mülkniñ milletke qaytarıluvı meselesi muzakere ettiler. Qurultayda alınğan qararğa köre, Aqmescitte evel Meclis reberligi yerleşken Şmidt soqağındaki binanıñ, Aqmescit rayonınıñ Pionerskoye köyündeki binanıñ ve daa bir qaç obyektniñ Qırım müsulmanları Diniy idaresine qaytarıluvı suali muzakere etildi. Malümat: Hacı Emirali Ablayev ilk sefer Qırım Müftisi vazifesine 1999 senesi saylandı. 2004, 2008, 2013 seneleri keçirilgen Qurultaylarda Müfti vazifesine tekrar saylanılğan edi. QMDİ matbuat hızmeti [gallery link="file" columns="4" size="medium" ids="21592,21605,21596,21588,21582,21580,21578,21576,21574,21572,21570,21568,21566,21564,21562,21560,21548,21536,21540,21526,21524,21518,21506,21500,21496,21486,21480,21468"]
“Qırım” Fondunıñ mal-mülkü milletniñ qoluna keçecek
Опубликовано:
Qırım müsulmanları VI Qurultayınıñ delegatları "Qırım" Fondınıñ balansında olğan mal-mülküniñ qırımtatar milletine qaytarıluvı aqqında sualni muzakere ettiler. Mezkür mesele Qurultaynıñ kün tertibine kirsetildi. Hususan, Aqmescitteki Şmidt soqağında yerleşken bina hayriye paralarına satın alınğan edi ve o, milletke aittir. Al-azırda tahmin etilgenine köre, binanıñ Qırımtatar medeniy-tarihiy miras müzeyiniñ yerleşüvi içün berilecegi planlaştırıla. Mülkniñ Qırım müsulmanları Diniy idresiniñ balansına keçirilüv tertibi Qırım akimiyeti ile muzakere etilecek. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım müsulmanlarınıñ VI esabat-saylav Qurultayı keçirildi. QMDİ matbuat hızmeti
Eskender Bilâlov öz istegine köre, qırımtatar halqı Şurası erkânından çıqarıldı
Опубликовано:
Qırım müsulmanlarınıñ VI esabat-saylav Qurultayınıñ vekilleri Rusiye Federatsiyası Prezidentiniñ QC-ki Temsilci yardımcısı Eskender Bilâlovnıñ Qırım Cümhuriyetiniñ Başı yanındaki qırımtatar halq Şurasınıñ terkibinden çıqarılması aqqında arizasını muzakere ettiler. "İnkişaf" cemaat teşkilâtınıñ başı Eskender Bilâlov göñülli olaraq Qırımtatar halqı Şurasınıñ terkibinden çıqmaq içün ariza yazdı. Qırım müsulmanlarınıñ Qurultayı Bilâlovnıñ arizasını qanaatlendirdi. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI esabat-saylav Qurultayı keçirildi. QMDİ matbuat hızmeti
Hacı Emirali Ablayev daa beş yılğa Müfti vazifesine saylandı (FOTO)
Опубликовано:
Qırım musulmanlarınıñ VI esabat-saylav Qurultayınıñ vekilleri, Qırım Müftisi hacı Emirali Ablayevniñ eda etken vazifesini daa beş yılğa qadar uzattılar. VI Qırım müsulmanları Qurultayı öz işini yekünledi. Müsulman Qurultayınıñ kün tertibine köre, delegatlar Qırım müsulmanları Müftisiniñ saylavında iştirak ettiler. Delegatlar Müfti hacı Emirali Ablayevge qol tuttılar ve Teftiş komissiyasınıñ yañı azalarını seçtiler. Onıñ erkânına beş insan kirdi. Teftiş komissiyasınıñ reisi olaraq Aqmeçit rayonınıñ imamı Löman Abduramanov saylandı. Komissiya azaları — Krasnoperekopsk rayonınıñ imamı Eskender Suleymanov; Seytasan Asanov — Saq rayonı din cemiyetleriniñ başı; Emir-Asan Ümerov — Qalay medresesiniñ müdiri. Rustem Temirov — Seyitler rayonı din cemiyetleriniñ başı. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI esabat-saylav Qurultayı keçirildi. Davet etilgen 344 vekilden 308 insan qayd etildi. QMDİ matbuat hızmeti [gallery link="file" columns="4" size="medium" ids="21590,21588,21582,21580,21578,21576,21574,21572,21570,21568,21566,21564,21562,21560,21558,21544,21540,21536,21528,21526,21524,21520,21518,21506,21500,21498,21480,21478,21474"]
Qırım Müftisi VI Qırım müsulmanları Qurultayınıñ vekilleri ögünde esabat ile çıqış yaptı (FOTO)
Опубликовано:
Müfti, Qırım ve Sevastopol şeeri musulmanları Diniy idaresiniñ esas iş yöñelişlerini qayd etti. Ayrıca, hacı Emirali Ablayev, Aqmescitte qurulğan Cuma cami, Cumhuriyet müsulmanlarına qaytarılğan ibadet ve din inşaatlarınıñ qaytarıluvı, yarımada regionlarında diniy maarif ve hayriye faaliyeti aqqında tarif etti. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI esabat-saylav Qurultayı keçirildi. Davet etilgen 344 vekilden 308 insan qayd etildi. QMDİ matbuat hızmeti [gallery link="file" columns="4" size="medium" ids="21468,21480"]
Qırım Başı yanındaki qırımtatar halqınıñ Şurası Qurultay delegatlarına semereli çalışmalar tiledi
Опубликовано:
Qırım Başı yanındaki qırımtatar halqınıñ Şurası adından Qırım musulmanlarınıñ VI Qurultayı vekillerini Şura başınıñ muavini Çingiz Yakubov selâmladı ve semereli çalışmalar tiledi. Çıqışı devamında Çingiz Yakubov, müsulmanlar diger din vekilleri ile barışıq ve dostane munasebetler içinde yaşağanını qayd etti. Ç.Yakubov: "Cümhuriyetimizniñ tuğrasında "Seadet - birliktedir", dep yazıla. Ve bu şiarnıñ ömürge keçirilüviniñ eñ güzel köstergiçidir. Allahqa şükür, soñki dört yıl devamında yarımadada bütün din ve medeniyet vekilleriniñ inkişafı içün kerekli şaraitler yaratılğan. Eminim ki, bugün qabul etilgen qararlar ileride biri-birimizge nisbeten ürmetniñ qaviyleşmesine yardım eter", - dep ayttı ve er keske qaviy sağlıq ve işlerinde muvafaqiyetler tiledi. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI Qurultayı keçirildi. QMDİ matbuat hızmeti
RF Devlet Dumasınıñ deputatı Ruslan Balbek: “Qırım müsulmanları Qurultayı – muvafaqiyetli kelecekke alıp ketken yoldır” (FOTO)
Опубликовано:
VI Qırım müsulmanları Qurultayınıñ vekilleri ögünde Rusiye Federatsiyası Devlet Dumasınıñ deputatı Ruslan Balbek çıqışta bulundı. Selâmlav sözlerinde o: "Müfti yarımadada barışıqnı saqlamaq mevamına riayet etti ve tarihta Qırım müsulmanlarınıñ yüzü olaraq qalacaq", - dep ayttı. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI esabat-saylav Qurultayı keçirildi. Davet etilgen 344 vekilden 308 insan qayd etildi. QMDİ matbuat hızmeti