Haberler
Qırımda Cümhuriyet müsulmanlarınıñ VI Qurultayı olıp keçecek (FOTO)
Опубликовано:
Aqmescitte Qırım ve Sevastopol MDİ Şurasınıñ toplaşuvı olıp keçti. Şura terkibinde QMDİ-ne kirgen yerli müsulman din cemiyetlerniñ temsilcileri kire. Şura toplaşuvı çerçivesinde Qırım müsulmanlarınıñ VI Qurultayınıñ keçirilmesi suali muzakere etildi. Hususan, VI Qırım müsulmanları Qurultayı delegatlarınıñ saylanuvı ve VI Qurultay keçirilüviniñ Teşkiliy komiteti aqqında Nizamname baqıldı. VI müsulmanlar Qurultayı delegatlarınıñ saylanuvı aqqında Nizamnamede yerli müsulman diniy teşkilâtlarğa 2018 senesine qadar sentâbr 4 künü teşkilât azalarınıñ umumiy toplaşuvlarında saylanğan ve VI müsulmanlar Qurultayınıñ teşkiliy komitetiniñ protokollarında tasdıqlanğan rayon ve köylerden delegatlarnıñ cedvelini taqdim etmek kerektir. Qayd olunuv basamağında olğan din cemiyetleri mesken yerlerde diniy merasimlerni keçirgen imam ya da mollanı yollay bileler. Böylece, Qırım müsulmanları Diniy idaresiniñ Şurası tarafından VI Qırım müsulmanları Qurultayınıñ keçirilüv tarihı olaraq 2018 senesi oktâbrniñ – 27 esabat-saylav künü olaraq bir rey ile tayin etildi. VI Qırım müsulmanları Qurultayında qırımtatar diasporalarınıñ vekilleri de iştirak etecek. QMDİ matbuat hızmeti [gallery link="file" columns="4" size="medium" ids="19461,19459,19457,19455,19453,19451,19447,19441,19439,19437,19435,19433,19431"]
Qırım Müftiligi ve AVN TUR hacılıq-operatorı hacılar içün mobil ilâveni işlep çıqardı (FOTO)
Опубликовано:
Bu seneden başlap Qırım hacıları içün Hacılıqnıñ mobil ilâvesi çalışmağa başlaycaq. Mahsus ilâve Saudiya Arabistan Qırallığınıñ Mekke ve Medine muqaddes topraqlarına yol alacaq hacılar içün işlep çıqarıldı. İlâve ile interneti olğan smatfonlarda qullanmaq mümkün. Hacılar onı Play Market AppStore-da bedava yükley bileler. AVN-TUR hacılıq-operatorınıñ reberi Artur Reşitovnıñ sözlerine köre, mobil ilâvede hacılıqqa barğan insan aqqında bütün malümat bar. Kendisini şahsiy kabinette cedvelde tapıp, qaysı gruppada olğanını, kelüv ve çıquv künlerini, reysniñ nomerası ve Saudiya Arabistan Qırallığında musafirhaneniñ adını tapmaq mümkün. "Mahsus hacılar içün "SOS" dögmesi bar – eger hacı coyulsa, bu dögmenen qullanabile. Signalnı alıp, gruppa reberi onıñ bulunğan yerini körip, hacınen bağlana ve yardım kösterebile", - dep ayttı Artur Reşitov. Bu sene hacılıqqa barmaq istegenlerniñ kvotası 600 yerge qadar arttırıldı. Al-azırda hacılarnıñ çetel pasportları azırlandı. Hacılarnıñ birinci gruppası 2018 senesi avgustnıñ 3-nde yolğa çıqacaq. QMDİ matbuat hızmeti [gallery link="file" columns="4" size="medium" ids="19284"]
Qırım hacıları içün seminar olıp keçti (FOTO)
Опубликовано:
İyül 26 künü Aqmescitte bu sene hacılıqqa baracaq müsulmanlar içün seminar keçirildi. 300-ge yaqın insan Aqmescitteki Kebir camide toplaştı. Qırım Müftisiniñ muavini Ayder İsmailov kelgen musafirlerge Qırım Müftisi hacı Emirali Ablayev adından selâmlar aytıp, olarğa hacılıqnı güzel keçirmege tiledi. Ögüt sözlerinde, o, hacılarğa muqaddes Mekke ve Medine topraqlarına barıp, milletimiz ve Vetanımız içün dua etmege unutmamağa çağırdı. "Bu sene hacılıqqa Qırımnıñ farqlı köşelerinden musulmanlar ketecek. Olarnıñ arasında yaşlar ve qadınlar çoq olğanı ğayet quvandıra. Hacılıqnı yaşlıqta yapmağa tevsiye etile, çünki insan ömür yolunıñ başında imanğa yaqınlaşıp, onı ömür boyu alıp ketse, daa güzeldir", - dep ayttı Ayder İsmailov. Qırım ve Sevastopol müsulmanları Diniy İdaresi adından Ayder İsmailov iştirakçilerge ve bu işke öz issesini qoşqan Rusiye tış işler Nazirligi, Rusiye Devlet Dumasınıñ deputatı Ruslan Balbek, Qırım sağlıqsaqlav Nazirligi, Cümhuriyetniñ devlet komiteti, nezaret organları ve, şahsen, Qırım başı Sergey Aksönovqa teşekkürler bildirdi. Rospotrebnadzor temsilcisi Sergey Tsıganovnıñ aytqanına köre, hacılar mıtlaq şahsiy gigiyena qaidelerine riayet etmek ve yerli yemeklerni aşağanda, çoq diqqatlı olmaq kerekligini qayd etip: "Qollarnı mıtlaq sabunnen yuvmaq, deve suvu ve qaynamağan suvnı içmemek kerekler, tek şişelerde olğan suvnı içmeliler. Hacılıqtan qaytqan soñ, sağlıqlarına çoq diqqatlı olmalılar, eger problemler peyda olsa, ekimge muracaat etmek kerektir", - dep ayttı. Bundan da ğayrı, o, Saudiya Arabistanına kirsetmege yasaq olğan ilâclarnıñ cedvelinen tanış olmağa rica etti. "İlâclarnı devlet sıñırından alıp ketmek içün poliklinika ya da statsionarda tibbiy malümatnameni almaq kerek", - dep qayd etti Tsıganov. Hatırlatamız, bütün Qırım hacıları aşlamadan keçtiler. Hacılarğa yolculıqqa diqqatnen azırlanmağa tevsiye etile: vesiqalarnı teşkermek, devlet ögünde borclarnı ödemek (kredit, para cezası), olarnıñ sayesinde insanğa devletten çıqış yasaq etile bile. Seminar çerçivesinde QMDİ MDT islâm ilimleri ocaları müsulmanlarnı hacılıqnıñ etapları ve nasıl merasimlerde iştirak etecekleri aqqında haber ettiler. Müsulmanlarğa ameliy tevsiyeler berildi, biñlerce insanlar olacaq yerde neler yapmamaq kerek olğanı añlatıldı. Qırım hacıları yolğa avgust 3-11 künleri çıqacaq. 2018 senesi Qırım müsulmanları Diniy İdaresiniñ "AVN-TUR" hacılıq operatorı hacılıqqa 600 insannı yollaycaq. Hacılar gruppalarğa bölündi, olarnen beraber yolğa eki ekim çıqacaq. Avgust 28 künü ise hacılar Qırımğa qaytacaqlar. QMDİ matbuat-hızmeti [gallery link="file" columns="4" size="medium" ids="19253,19251,19249,19247,19245,19243,19241,19239,19237,19235,19233"]
Qırımtatar halq Şurası Qırım belediye teşkilâtları ile işbirlik başladı
Опубликовано:
Qırım Müftisi hacı Emirali Ablayev Qırım başı yanında çalışqan Qırımtatar halq Şurası ve belediye teşkilâtlarınıñ vekilleri ile işbirlik boyunca iş muşaveresinde iştirak etti. Tedbir Cümhuriyet milletlerara munasebetler devlet komitetinde olıp keçti. Şura azaları Şuranıñ işi ve maqsadları aqqında tarif etip, belediyeler ile problemlerniñ çezilüvi içün işbirlikni muzakere ettiler. "Qırımtatar tiliniñ inkişafı boyunca tedbirlerniñ programması" RF Prezidentiniñ 2014 senesi aprel 21 künü imzalağan "Devletniñ destegi ile qırımtatar, ermeni, bulğar, yunan, italyan ve alman tillerniñ reabilitatsiyası" Fermanı ve Qırım Başı Erkânında çalışqan qırımtatar halqı Şurası Nizamnamesiniñ 3.1. maddesi boyunca mesken yerlerde tilniñ vaziyetini nezaret etmek içün muşavere azalarına belediyelerde çalışqan tasil müessiseleri aqqında tavsilâtlı malümatlarnı taqdim etmege avale etildi. QMDİ matbuat hızmeti [gallery link="file" columns="4" size="medium" ids="19273,19271,19269,19267,19265,19263"]
Müftilikniñ qadınlar leyhası Rusiyeniñ eñ güzel leyhası olaraq tanıldı! (FOTO)
Опубликовано:
Moskvada keçken “Müsulman qadınınıñ cemiyetteki içtimaiy yeri” VI Bütünrusiye qadınlar teşkilâtlarınıñ Qurultayında Qırım ve Sevastopol şeeri müsulmanları Diniy İdaresiniñ “Faydalı ilim” maarif leyhası eñ güzel leyha olaraq tanıldı. Qurultay çerçivesinde QMDİ qadınlar bölüginiñ temsilcileri "2018 s. eñ güzel müsulman qadınlar teşkilâtı" Kubogı ile taqdirlendi. Forumda Rusiyeniñ 34 regionından kelgen vekiller iştirak etti. Qırım Cümhuriyetini ilâhiyatçı-ruhiyatçı Zeyneb Bairova, İslâm dini temelleri ocası Lilâ Seitmemetova ve Qırım müsulman bloggeri Niyara Nagayeva temsil ettiler. Zeyneb Bairovanıñ sözlerine köre, Qurultaynıñ aktualligi şunda ki, bugün müsulman qadınları cemiyette faal rol oynay, içtimaiy leyhalarnı ömürge keçire, hayriye işlerinde iştirak ete, devletniñ siyasiy ayatında faal yerni alalar. Bu kibi faaliyetniñ esas maqsadı - icat, etraftakilerniñ ayatını eyileştirmek, ruhiy ve içtimaiy meselelerni çezmek, imayesiz qalğan eali tabaqalarına yardım köstermektir. Zeyneb Bairova: "Cemiyette imanlı qadın içtimaiy ceetten faal olamağanı aqqında fikir bar. Bütünrusiye qadınlar teşkilâtlarınıñ Qurultayı ise müsulman qadınınıñ cemiyetteki rolü, onıñ, devlet taqdirindeki yeri, müsulman qadınları teşkilâtlarınıñ işbirligi ve diniy cailliknen küreş aqqında muzakerelerniñ güzel meydanıdır", – dep qayd etti. Bütünrusiye müsulman qadınları teşkilâtları Qurultayınıñ programması çerçivesinde “Müsulman qadınınıñ cemiyetteki içtimaiy yeri” mevzusında ilmiy-ameliy konferentsiya, farqlı mevzularda tögerek masalar keçirildi. Hususan "Müsulman qadınınıñ içtimaiy faaliyeti ve devletniñ inkişafına qoşqan issesi", "Musulman qadını ve onıñ siyasiy faaliyeti", "Rusiye migrantları: cemaat teşkilâtlarınıñ rolü" kibi mevzular muzakere etildi. "Tögerek masalarda" iştirak etmek içün siyasiy ve içtimaiy faaliyetçiler, bundan da ğayrı, Rusiyede migrantlarnıñ işlerinen oğraşqan mütehassıslar davet etildi. Qurultaynıñ soñki künü "Bloglar – Rusiye içün içtimaiy faydalı ve vetanperverlik iştir" mevzusında konferentsiya keçirildi. Mında muvafaqiyetli müsulman bloggerleri, PR saasınıñ mütehassısları, müsulman cemaat teşkilâtlarınıñ reberleri ve faaliyetçileri iştirak etti. Konferentsiyanıñ maqsadı – müsulman yaşlarına içtimaiy ağlarnıñ tesirini ögrenmek, içtimaiy ağlarnıñ vastası ile cemiyetke fayda ketirecek işlerni tedqiq etmektir. Konfrentsiyanıñ esas maqsadlarından biri – individual bloglarnıñ vastası ve islâm cemaat teşkilâtlarınıñ yardımı ile pozitiv müsulman şahsiyetini taqdim etmektir. QMDİ matbuat hızmeti [gallery link="file" columns="4" size="medium" ids="19175,19173,19171,19167,19165,19163,19161"]
Bağçasaray civarındaki eski Yancu köyünde cami qurulacaq (FOTO)
Опубликовано:
Bağçasaray civarındaki Yancu köyünde viran etilgen eski caminiñ yerinde cami qurulacaq. Bugünki künge qadar Qırım müsulmanları Diniy İdaresi tarafından ibadet inşaatınıñ qurulıvı içün topraq damartısı resmiyleştirildi, GASKtan qurucılıq işleriniñ başlanuvı içün ruhset alındı. Yancu köyü ilki 16 asırda añıla. Köyde eki cami bar edi, ekisi de bugünki künge qadar saqlanıp qalmadı. Yerli müsulmanlarnıñ teşebbüsi ve Qırım müsulmanları Diniy İdaresiniñ destegi ile caminiñ ğayrıdan tiklenilüvi aqqında qarar alındı. Leyha boyunca bina 150 insannı sığdıra bilecek. Cami minaresiniñ quruluvı da planlaştırıla. QMDİ matbuat hızmeti [gallery link="file" columns="4" size="medium" ids="18919,18917,18915,18913,18911,18909,18907,18905,18903,18901,18899,18897,18895,18893,18891"]
XIX asırlıq caminiñ minaresi ğayrıdan tiklendi (FOTO)
Опубликовано:
Keriçte "Cuma cami" yanında minare quruldı. 33-mertlik inşaat qısqa müddet içinde – eki ayda yapıldı. Keriçteki Cuma cami – şeerniñ esas müsulman ibadet inşaatıdır. Bina tarihiy-medeniy miras obyekti olaraq tanıldı. Cuma cami XIX asırda qurulğan edi. Evel zamanlarda onıñ eki minaresi olğan. 1944 senesi qırımtatarlar sürgün etilgen soñ, mında kinoteatr, soñra ise kütüphane yerleşkendir. 1990-cı senelerniñ başında ise bina müsulmanlarğa qaytarıldı. Bugün cami bütünley ğayrıdan tiklenildi. O birden 300 insannı sığdıra bile. QMDİ matbuat hızmeti [gallery link="file" columns="4" size="medium" ids="18862,18860,18858"]
Qırımda “Musulman qadınları içün liderlik mektebi” seminarı olıp keçti (FOTO)
Опубликовано:
Qırımda yarımadanıñ farqlı köşelerinden kelgen 30 qadınnı toplağan II –ci er senelik "Musulman qadınları içün liderlik mektebi" olıp keçti. Teşkilâtçı – Qırım müsulmanları Diniy idaresiniñ destegi ile "Büllür" qadınlar birleşmesidir. Bu sene Mektepniñ esas mevzusı "Musulman qadınınıñ ömürinde göñül ve ibadet" oldı. Üç kün devamında iştirakçiler QMDİ "Faydalı ilim" ocaları azırlağan seminar ve treninglerni diñlediler, bundan da ğayrı, Kokköz köyüniñ qadimiy camilerini ziyaret ettiler, "Derviş evi" (Bağçasaray) ev-müzeyine bardılar. İştirakçilerniñ sözlerine köre, Liderlik mektebi olarğa yañı insanlarnen tanış olmaq, İslâm boyunca bilgilerni almaq, öz bilgilerinen paylaşmaq ve maqsadları aqqında tarif etmek imkânını berdi. "Büllür" Qırım müsulman qadınları cemaat birleşmesi Qırım müsulmanmanları Diniy idaresine ve, şahsen, Qırım Müftisi hacı Emirali Ablayevge toplaşuvnıñ teşkil etilüvinde destek köstergeni içün teşekkürler bildire. "Büllür" teşkilâtınıñ reberi Niyara Canbazova: "Bu seminar "Liderlik mektebi", dep boşuna adlandırılmağan, çünki biz, musulman qadını er saada lider olmaq kerekliginde eminmiz. Lider bizim içün nedir? Bu qoranta ve cemiyette öz yeri içün mesülietli olğan, şahsiy taraftan inkişaf etken ve bilgileri, imanınıñ qaviyleşmesi içün çalışqan insandır. Onıñ içün biz, musulman qadınları içün bu kibi toplaşuvlar pek müim olğanından eminmiz. Biri-birimizge destek kösteremiz, daa güzel olmaq tırışamız, bu maqsadlarğa beraber irişmek daa qolaydır!", - dep ayttı. Üç künlük seminar Bağçasaray rayonınıñ Özenbaş köyünde olıp keçti. QMDİ matbuat hızmeti [gallery link="file" columns="4" size="medium" ids="18549,18547,18545,18543,18541,18539,18537,18535,18533,18531,18529,18527,18525,18523"]
Sabıq musulman mezarlığı yerinde tapılğan naaşlar ğayrıdan defin etilecek (FOTO)
Опубликовано:
Aqmescitte 21-sanlı orta mektep olğan yerde tapılğan insan naaşlarınıñ ğayrıdan defin etilüvi boyunca muşavere olıp keçti. 1944 senesi mında musulman mezarlığı yerleşken edi. Muşavere Qırım müsulmanları Diniy idaresiniñ teşebbüsi ile keçirildi. Tedbirde Qırım Müftisiniñ muavini Ayder İsmailov, Aqmescit memuriyeti başınıñ muavini İsmet Ablayev, mektep müdiri vazifesini eda etken Dinara Mustafayeva, QMPU tarih kafedrası müdiriniñ muavini, Qırım arheologiya institutınıñ ilmiy hadimi Emil Seydaliyev iştirak etti. Körüşüv devamında iştirakçiler naaşlarnıñ tapılğan yerlerini baqıp, ilerideki adımlarnı muzakere ettiler. Al-azırda naaşlarnıñ qısımları toplanılıp, ekspertizağa yollanıldı. Müfti muavini Ayder İsmailovnıñ sözlerine köre, sudmedekspertizanıñ çıqarğan tedqiqat neticelerinden soñ, ğayrıdan defn etilüv keçirilecektir. Ayder İsmailov: "Mında defn etilgenlerniñ ögünde bizim vazifemiz – olarnıñ raat yatmalarını temin etmektir. İnsan em ömüri devamında, em de o bir dünyada ürmetke lâyıqtır", - dep ayttı. O, naaşlarnıñ defn etilecek yerleri muzakere etilecegini de ilâve etti. Hatırlatamız, Aqmescitte 21-sanlı orta mektep Krasnoarmeyskaya soqağında eski qırımtatar mezarlığı toprağında yerleşe. 1944 senesine qadar bu yerler "Yañı qırımtatar mezarlığı", dep adlandırılğandır. Qazma işleri neticesinde insan naaşları tapıldı. QMDİ matbuat hızmeti [gallery link="file" columns="4" size="medium" ids="18379,18419,18391,18393,18387,18385,18383,18375,18395,18389,18406,18404,18402,18399,18397,18408,18411,18413,18415,18417"]
Aqmescitte nutuq sanatını ögrettiler (FOTO)
Опубликовано:
Aqmescitte radio alıp barıcıları içün "Nutuq sanatı" treningi ötkerildi. Tedbir teşkilâtçısı – Qırım müsulmanları Diniy idaresiniñ "İrfan" radiosıdır. Trening "Seit-Settar" diniy kompleksiniñ oquv merkezinde olıp keçti. "İrfan" radiosınıñ koordinatorı Anvar Tuşakovnıñ sözlerine köre, treningniñ esas maqsadı – faaliyetini endi başlağan radio alıp barıcılarına başlanğıç basamaqnı köstermek ve bu saada endi çoqtan çalışqanlarnı yañı tendentsiyalarınen tanış etmektir. Diktorlıq ve jurnalistika saasında öz tecribesinen belli olğan televizion alıp barıcı, "Pervıy Krımskiy" telekanalınıñ hadimi Vildan Miluşev paylaştı. Oquv ceryanını Qırımtatar akademik muzıkalı-drama teatriniñ aktrisası Susanna Barabaş devam etti. O, telâffüzni güzelleştirmek içün, mahsus vazifelerni kösterip, trening iştirakçileri ile birlikte doğru nefes aluv ve ses telleriniñ inkişafı içün nasıl areketler yapmaq kerek olğanını ögretti. "İrfan" radiosınıñ baş diktorı Marlen Osmanov Susanna Barabaşnıñ yardımcısı olaraq çıqış yapıp, öz tecribesinen paylaştı. Qave teneffüsi ve üyle namazından soñ trening iştirakçileri radionıñ koordinatorı Anvar Tuşakov tarafından azırlanğan ameliy vazifelerge keçti. Treningniñ soñunda Qırım Müftisiniñ muavini Esadullah Bairov: "Bu kibi treningni birinci kere keçiremiz ve neticesi güzeldir. Ümüt etemiz ki, bugün alğan bilgileriñizni radioda öz işiñizde qullanıp olursıñız. Bundan da ğayrı, bugünki trening daa çoq ögrenilmegen mevzular daa bar olğanını kösterdi. Demek, derslerni kelecekte de teşkil etecemiz. Ve unutmamaq kerekmiz ki, malümatnıñ doğru ve hatasız yetkizdirilüvi – Muhammed Peyğamberniñ (s.a.s) sunnetidir", – dep, iştirakçilerni taqdirledi: QMDİ matbuat hızmeti [gallery link="file" columns="4" size="medium" ids="18271,18267,18261,18259,18253,18239,18233,18235,18229,18227,18223,18221,18219,18215,18213,18211,18209,18207,18203,18201,18199,18197,18191,18187,18183,18181,18179,18177"]
Aqmescit unutılğan tarih saifelerini aça (FOTO)
Опубликовано:
Aqmescitte Krasnoarmeyskaya soqağında yerleşken 21-sanlı orta mektebiniñ toprağında qazma işleri neticesinde insan naaşları tapıldı. 1944 senesine qadar bu yerler "Yañı qırımtatar mezarlığı", dep adlandırılğandır. Mezarlıq yerine Qırım müsulmanları Diniy idaresiniñ hadimleri çıqtı. Malümat tasdıqlandı. Kommunikatsiya ağları içün qazılğan tranşeyalarda insan naaşları tapıldı. Mektep hadimleriniñ sözlerine köre, tapılma aqqında malümat politsiyağa berildi. Qırım Müftisiniñ muavini Ayder İsmailov mektep reberliginen bağlanıp, ilerideki adımlarnı muzakere etti. İyül 13 künü QMDİ, mektep memuriyeti, Aqmescit şeer memuriyeti ve Qırım müendislik ve pedagogika universiteti vekilleriniñ iştiraginen körüşüv keçirilecek. Malümat: Sabıq "Yañı tatar mezarlığı" Krasnoarmeyskaya, Kurtsovskaya, Jidkov ve Kozlov soqaqlarınıñ çatışmasında yerleşip, 13 ga topraqnı ala edi. Onıñ yerinde 21-sanlı orta mektep, bala bağçası ve evler qurulğandır. ("Aqmescit – tünevin ve bugün" saytından malümat) QMDİ matbuat hızmeti [gallery link="file" columns="4" size="medium" ids="18173,18171,18169,18167,18165,18163,18161,18159,18157,18155,18153,18151,18149,18147,18145,18143,18141"]
Qırım Müftiliginiñ vekili “Rasulev oquvlarında” iştirak etti (FOTO)
Опубликовано:
Qırım Müftisiniñ muavini Esadullah Bairov Çelâbinsk vilâyetiniñ Troitsk şeerinde olıp keçken "Rasulev oquvları: İslâm – Rusiyeniñ tarihı ve zemaneviy yaşayışında" VII Bütünrusiye ilmiy-ameliy konferentsiyasında iştirak etti. Forumda Rusiyeniñ Baş Müftisi Talgat Tacuddin ve Amman İslâm ilimleri halqara universitetiniñ professorı, Muhammed Peyğamberniñ neslinden Abdurrazzak Assaidi (İordaniya) iştirak etti. Olar ğayrıdan tiklenilgen "Rasuliya" medresesiniñ açıluvı merasiminde iştirak etti. Konferentsiyanıñ mevzusı – "Vaqıt bar ve biz sağ olğance, insanlarğa yahşılıq ve hayır yapmalımız", dep adlandırıldı. Bugün akimiyet vekilleri ve yerli musulmanlar arasında işbirlik alıp barıla. İslâm cemiyetiniñ temelini cenübiy Ural topraqlarından çıqqan tatarlar, başqırlar, qazahlar teşkil ete. İşbirlik, havfsızlıq ve terrorizm ile küreş sualleri – maruzalarnıñ esas mevzusı oldı. Bu sene "Rasulev oquvları" halqara ilmiy-ameliy konferentsiya statusını aldı. Tedbirde Yaqın Şarq, Merkeziy Asiya, SNG ve Rusiye regionlarından kelgen musafirler iştirak etti. QMDİ matbuat hızmeti (lentachel malümatları boyunca) [gallery link="file" columns="4" size="medium" ids="18081,18091,18089,18087,18085,18083"]