Qırım Cumhuriyeti ve Sevastopol şeeri musulmanları diniy idaresiniñ “Faydalı ilim” maarif merkezinde “Yañı baar” leyhasına qatnağan mektep çağına yetmegen balalar içün ingliz tili aftası keçirildi.
Bir afta devamında balalar öz bilgilerini kösterip, ingliz tilinde qonuştı. Balalarnı İngiltereniñ meşhur yerleri, coğrafiyası, avası, naqliyat vastaları ve anda yaşağan adamlarnıñ tabiat ve davranış hususiyetlerinen tanış ettiler, olar inglizceni qullanıp, idman yapqan ediler.
İngliz tili aftası açıq dersnen yekünlendi. Balalar ingliz tilinde kiçkene temaşa kösterdiler, soñra ise, ananeviy ingliz çay içüvi – “five-o’clock” teşkil etildi.
Qırım MDİ matbuat hızmeti
