2020 senesi, fevralniñ 27-sinde (hicriy taqvim boyunca 1441 senesi), aqşam namazından başlap, musulmanlar içün muqaddes gecelerinden biri Reğaib gecesi başlana. Reğaib gecesi – rahmet ve bağışlav vaqıtıdır.
Cemi musulmanlarnı mubarek Reğaib gecesi ile hayırlaymız. Bu gece Recep ayında olğan eki mubarek gecelerniñ biridir. Allah oquğan dualarıñıznı qabul etsin ve eyi işleriniñizniñ savabını qat-qat arttırsın, Recep ve Şaban ayını mubarek etsin ve sağ-selâmet Ramazan ayına qavuştırsın.
Qırım camilerinde bu gece diniy tedbirler – maruzalar, subetler, Quran oquvı, cemaat ibadetleri planlaştırıla.
QMDİ matbuat hızmeti