2021 (hicriy 1442) sene, fevral 13 künü, aqşam namazınıñ kirmesinen musulmanlar içün mubarek Üç aylar başlaycaq.
Şu mubarek mevsimge kirgen üç ay – recep, şaban ve on bir ajnıñ sultanı – Ramazan ayıdır. Mezkür üç ay ibadet, suhbet, nefsni temizlev, ilâhiy lütüf ve bağışlav, Allahqa yaqınlaşuv, ummetniñ birligi pekingen zaman kesimidir. Bu aylarda musulmanlar oraza tutıp, tövbe yapıp, namaz qılıp, Quran oqup ve eyi ameller becerip keçirmege tırışa.
Bu devirde Yüce Rabbimiz eyi amellerniñ ve ibadetlerniñ savabını qat-qat bere, gunahlarından tövbe etip, bağışlav tilegenlerniñ gunahlarını afu ete.
Recep – mubarek Üç aylarnıñ birincisidir. Bu mubarek aynıñ ilk cuma gecesi – Reğaib gecesidir.
Bu sene Reğaib gecesi fevral 18-19 künlerini bağlağan gecege rast kelecek.
Qırım MDİ matbuat hızmeti