Bağçasarayda İslâm temelleri kurslarınıñ talebelerine Quranlar taqdim etildi. Umumen, muqaddes kitapnıñ nushalarını 12 qız aldı. Qayd etmeli ki, kurslarğa qatnağan talebelerniñ yaşları 24-72 arasındadır.
Quran oquvı dersleri Bağçasaraynıñ Orta camisinde olıp keçti. Derslerni din ocaları Leniye Emirova ve Şuşa Asanova alıp bardılar. Kurslarnı yekünlev tedbiri tabiatta bayram müitinde olıp keçti.
“Allahqa şükürler olsun ki, musulman qadın-qızlarda dinni ögrenmege samimiy istekleri bar. Bu kursnıñ mezunları içün biz, sürpriz olaraq, tedbirni taze avada, sıcaq müitte keçirmege qarar berdik. Quranlardan ğayrı, er bir qızğa tatlı ediyeler de berildi”, – dep, qayd etti Leniye Emirova.
Qırım MDİ matbuat hızmeti