Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatı) hadimleri Oraza bayramı arefesinde “Qalpten qalpke” hayriye aktsiyasını keçirdiler. Tedbir muhtac olğan qorantalarğa destek köstermek maqsadı ile teşkil olundı. “Yıl-yıldan bizim imamlarımız öz ğayreti ile ve cemaatnıñ yardımınen mezkür aktsiyanı keçireler. Ağır hasta balalar ve saqatlar olğan ailelerge aşayt mahsulatları berildi. Yañğız analar, çoq balalı qorantalar ve müşkül vaziyette qalğan ailelerni de diqqatsız qaldırmaymız. Oraza bayramında er musulmannıñ qalbi quvançnen tolu olmaq kerek”, – dep, qayd etti Qırım Müftisiniñ muavini Raim Ğafarov.
Qırım MDİ matbuat hızmeti