Qırım camilerinde musulmanlar İslâmda mubarek sayılğan gecelerniñ biri, rahmet ve bağışlav gecesi – Reğaip gecesini keçirdiler. Musulmanlar cemaat iftarlarını, Reğaip gecesiniñ qıymeti aqqında subetlerni keçirdiler, Yüce Allahqa dualar oqudı ve tesbih namazlarını qıldılar. Musulmanlar tuvğanları, Qırım, evlerinde barışıqlıq ve muabbetlik içün dualar oqudılar. Diniy merasimler Bağçasaray, Saq camilerinde, İslâm-Terek, Büyük-Onlar, İçki, Qalay ve Yaşlıq qasabalarında ve Qırımnıñ paytahtında, Seit Settar külliyesinde, diger yerlerde ötkerildi.
QMDİ matbuat hızmeti