Qırım Cumhuriyeti ve Sevastopol şeeri Müftisi hacı Emirali Ablayevge Qırım Cumhuriyetiniñ başlığı Sergey Aksönovdan yubileyi munasebetinen hayırlav kartı keldi.
“60-yıllıq yubileyiñiz ile eñ samimiy ve yürekten hayırlavlarımıznı qabul etiñiz! Sizniñ faaliyetiñiz İslâmğa ve cemiyetke samimiy hızmetniñ nümünesidir.
Ürmetli ve nufuzlı yetekçi olaraq, Siz qırımtatar halqınıñ zengin diniy mirasınıñ yañıdan tiklenüvi, ananeviy ahlâqiy qıymetleriniñ saqlanuvı içün çoq şeyler yapasıñız. Siziñ ikmetli sözleriñiz eyilikni ve merhametni ögrete, iman tapmağa yardım ete, yaş nesillerniñ dünyabaqışına müsbet tesir ete.
“Mir – dar Böjiy” (“Dünya – Tañrı ediyesidir”) dinlerara şurasınıñ yolbaşçılarından biri olaraq, Siz milletlerara ve dinlerara munasebetlerniñ saqlanuvına büyük isse qoşasıñız. Akimiyet ile Qırım Cumhuriyeti ve Sevastopol şeeri musulmanları diniy idaresiniñ işbirligi faal inkişaf ete.
Sizge sağlıq, eyi allar ve Qırım ile bütün Vatanımıznıñ eyiligi oğrunda işleriñizde yañı muvafaqiyetler tileyim”, – dep keçe hayırlav kartında.
Qırım MDİ matbuat hızmeti